توقايەۆ جەرگىلىكتى اتقارۋشى ورگانداردا سونداي-اق، ورتالىق مەملەكەتتىك ورگانداردا اۋقىمدى تۇردە جۇزەگە اسىرۋدى تاپسىرىپ، مەملەكەتتىك قىزمەتشىلەردىڭ سانىن كەزەڭ-كەزەڭىمەن قىسقارتۋ جانە مەملەكەتتىك اپپاراتتىڭ ۇيىمدىق قۇرىلىمىن وڭتايلاندىرۋ جۇمىستارىن جالعاستىرۋ كەرەكتىگىن ايتتى. پرەزيدەنت قۇرىلىمدى قايتا وزگەرتۋ ناتيجەسىندە ۇنەمدەلگەن قارجىنى ەڭبەكاقى كولەمىن ارتتىرۋعا باعىتتاۋ ماڭىزدى ەكەنىن اتاپ ءوتتى.
پرەزيدەنت قاسىم-جومارت توقايەۆ پرەمەر-مينيستر اسقار مامينگە مەملەكەتتىك قىزمەتكەرلەردىڭ سانىن كەزەڭ-كەزەڭمەن قىسقارتۋ جۇمىستارىن جالعاستىرۋ كەرەكتىگىن ايتتى.
2018 جىلى مەملەكەتتىك قىزمەتشىلەرگە ەڭبەكاقى تولەۋ جۇيەسىنىڭ پيلوتتىق رەجيمى ىسكە قوسىلىپ، وعان مەملەكەتتىك قىزمەت ىستەرى اگەنتتىگى، سىبايلاس جەمقورلىققا قارسى ءىس-قيمىل اگەنتتىگى، ادىلەت مينيسترلىگى، ءبىرقاتار ءوڭىردىڭ اكىمدىكتەرى قاتىسقان.
"جۇرگىزىلگەن تاجىريبەنىڭ ناتيجەسىندە جوباعا قاتىسۋشى مەملەكەتتىك ورگانداردا كادرلاردىڭ الماسۋى 4،9 پايىزدان 3،5 پايىزعا دەيىن ازايىپ، مەملەكەتتىك قىزمەتتىڭ تارتىمدىلىعى ارتا ءتۇستى (كونكۋرس 1 ورىنعا 3،4 ەسەگە ارتتى)، ورتالىقتا جانە ايماقتاردا ەڭبەكاقى تولەۋ الشاقتىعى 70 پايىزدان 16 پايىزعا دەيىن قىسقاردى" دەپ مالىمدەگەن اسقار مامين پرەزيدەنت قابىلداۋىندا بولعاندا.
