"جوعارعى پالاتا كۆازيمەملەكەتتىك سەكتورداعى ساتىپ الۋلاردى رەتتەيتىن زاڭ قابىلدادى. قازىرگى ۋاقىتتا الەۋمەتتىك كاسىپكەرلىكتى دامىتۋ، سالىق كودەكسىنە وزگەرتۋلەر مەن تولىقتىرۋلار ەنگىزۋ جانە باسقا دا زاڭ جوبالارى دەپۋتاتتاردىڭ قاراۋىندا جاتىر.
ماۋلەن اشىمبايەۆتىڭ مالىمەتى بويىنشا وسى سەسسيا باستالعالى بەرى سەناتورلار 12 زاڭ جوباسىنا باستاماشى بولدى. ونىڭ 3ء-ىن پارلامەنت قابىلداسا، 4ء-ۋى سەنات پەن ءماجىلىستىڭ قاراۋىندا. تاعى 5 زاڭ جوباسى دەپۋتاتتاردىڭ باستاماسىمەن ازىرلەنىپ جاتىر.
سونىمەن قاتار ماۋلەن اشىمبايەۆ مەملەكەت باسشىسىنىڭ تاپسىرماسى بويىنشا ازىرلەنگەن "اشارشىلىق. گولود. 1928-1934. دەرەكتى حرونيكا" جيناعىن ۇسىندى. اتالعان ءۇش تومدىقتا قازاقستانداعى كۇشتەپ ۇجىمداستىرۋدىڭ قاسىرەتتى تاريحىن باياندايتىن مىڭنان استام ارحيۆ قۇجاتتارى جيناقتالعان" دەلىنگەن اقپاراتتىق حابارلامادا.
پىكىر قالدىرۋ