قاراعاندىدا 91 جاستاعى زەينەتكەردىڭ پاتەرىن توناعان قاراقشىلار ۇستالدى، – دەپ حابارلادى Polisia.kz سايتى.

27 مامىردا ساعات 2:30 شاماسىندا قاراعاندى قالاسىنىڭ پوليسيا ءبولىمى تەمىرجول پوليسيا بولىمىنە بەلگىسىز ادامدار 91 جاستاعى اجە تۇرعان پاتەرگە باسىپ كىرىپ، ونىڭ بارلىق جيناقتارىن الىپ كەتكەنى تۋرالى حابارلاما تۇسكەن.

"قىلمىستىق كودەكسىنىڭ 191-بابى (توناۋ) بويىنشا قىلمىستىق ءىس قوزعالىپ، جەدەل-تەرگەۋ توبى ىسكە كىرىستى. جابىرلەنۋشىنىڭ ايتۋىنشا، توناۋشىلار ەكەۋ بولعان. ولار زەينەتكەردىڭ پاتەرىنە ەسىك ارقىلى كىرگەن، قارت ادامعا قۇلىپتى اشىپ جابۋ قيىندىق تۋدىرعاندىقتان، ەسىكتىڭ سابىن ورىندىققا ارقانمەن بايلاعان. بەتتەرىن مەديسينالىق ماسكالارمەن جاپقان قاسكۇنەمدەر، قاريانى قورقىتىپ، اقشا تالاپ ەتكەن. زەينەتكەر ولارعا بارلىق جيناقتارىن – 449 مىڭ تەڭگە بەرىپ قۇتىلعان. پوليسيا قىلمىستىڭ ىقتيمال كۋاگەرلەرىن انىقتاي وتىرىپ، وقيعا بولعان جەرگە جاقىن ورنالاسقان تۇرعىندار مەن گاراج يەلەرىمەن، سونداي-اق ءوتىپ بارا جاتقان ادامدارمەن سويلەسە ءجۇرىپ، كۇدىكتىلەردىڭ ىزىنە ءتۇستى. جەدەل-ىزدەستىرۋ ءىس-شارالارىن جۇرگىزۋ بارىسىندا كريمينالدىق پوليسيا قىزمەتكەرلەرى كۇدىكتىلەردى – 26 جانە 27 جاستاعى ەر ادامداردى انىقتاپ، ۇستادى. كۇدىكتىلەر ۇرلانعان اقشانىنىڭ ءبىراز بولىگىن جۇمساپ ۇلگەرگەن ەكەن. وسى قىلمىستىڭ ەگجەي-تەگجەيىن انىقتاعاننان كەيىن قىلمىستىق ءىس قازاقستان رەسپۋبليكاسى قىلمىستىق كودەكسىنىڭ 192-بابى (قاراقشىلىق) بويىنشا قايتا سارالاندى. قازىرگى ۋاقىتتا تەرگەۋ امالدارى جۇرگىزىلىپ جاتىر. كۇدىكتىلەر ۋاقىتشا ۇستاۋ يزولياتورىنا ورنالاستىرىلدى" دەلىنگەن اقپاراتتىق حابارلامادا.