الماتىداعى بالالار اۋرۋحاناسىنىڭ دارىگەرلەرى شارىن شاتقالىندا قۇتقارىلعان 11 جاستاعى وقۋشىنىڭ جاعدايى تۋرالى ايتتى.

– 31 مامىردا توتەنشە جاعدايلار مينيسترلىگى 11 جاستاعى قىزدى ءبىزدىڭ كلينيكانىڭ جەدەل جاردەم بولىمىنە الىپ كەلدى. قابىلداۋ بولمەسىندە قىزعا مامانداندىرىلعان مەديسينالىق كومەك كورسەتىلىپ، نەيروحيرۋرگيا بولىمشەسىنە جاتقىزىلدى. وعان ميدىڭ جابىق جاراقاتى، ميدىڭ شايقالۋى، ورتاشا اۋىرلىقتاعى گيپوتەرميا، قولى جانە اياعىنىڭ كوپ جەرى سوعىلعان دەگەن دياگنوز قويىلدى. ءقازىر جاعدايى تۇراقتى، – دەدى بالالار شۇعىل مەديسينالىق جاردەم ورتالىعىنىڭ باس دارىگەرىنىڭ ورىنباسارى الۋا جەكسەنوۆا.

ونىڭ ايتۋىنشا، قىزدىڭ پسيحولوگيالىق جاعدايى تۇراقتى. جاعدايى تۇراقتالعاننان كەيىن پسيحولوگتار ونىمەن جۇمىس ىستەيدى. قازىرگى ۋاقىتتا بالا اناسىمەن بىرگە.

ەسكە سالا كەتەيىك، 29 مامىر كۇنى الماتى وبلىسىنىڭ شارىن شاتقالىندا سەل ءجۇرىپ، سونىڭ سالدارىنان ەكسپەديسيادا جۇرگەن ءمۇعالىم، اتا-انا، وقۋشىلاردان تۇراتىن توپتاعى ءبىر ءمۇعالىم مەن ءبىر وقۋشى مەرت بولىپ، وقۋشى تاۋلىككە جۋىق ۋاقىتتان كەيىن تابىلعان. تاعى 6 ادام زارداپ شەككەن.