قازاقستاننىڭ باس سانيتار دارىگەرى ەرلان قياسوۆ "Ashyq" جوباسىنا قاتىستى جاڭا قاۋلى قابىلدادى.
اتالعان قۇجاتقا سايكەس مىناداي كاسىپكەرلىك وبەكتىلەردە "Ashyq" جوباسى ىسكە اسىرىلسىن:
- يوگا ورتالىقتارىن قوسا العاندا، فيتنەس-كلۋبتارى؛
- سپا-ورتالىقتارى؛
- ساۋنالار، باسسەيندەر؛
- PlayStation كلۋبتارىن قوسا العاندا، كومپيۋتەرلىك كلۋبتار؛
- بوۋلينگ كلۋبتارى؛
- كينوتەاترلار؛
- تەاترلار مەن فيلارمونيالار؛
- اسحانا تيپىندەگى وبەكتىلەردى، ستريت-فۋدتاردى قوسپاعاندا، قوعامدىق تاماقتانۋ وبەكتىلەرى، جازعى الاڭدار، فۋد-كورتتار، بانكەت زالدارى؛
- وبلىسارالىق جانە قالالىق تۇراقتى ەمەس (تۋريستىك) تاسىمالدار؛
- بيليارد كلۋبتارى؛
- كونسەرت زالدارى؛
- ەرىكتى قاتىسۋشىلار؛
- كاراوكە؛
- كورمەلەر؛
- وكەاناريۋم؛
- مارافوندار؛
- كورەرمەندەر قاتىساتىن سپورتتىق ءىس-شارالار؛
- نۇر-سۇلتان، الماتى، شىمكەنت جانە تۇركىستان قالالارىنىڭ اۋەجايلارى؛
- (2021 جىلعى 7 ماۋسىمنان باستاپ) اقتاۋ جانە قوستاناي قالالارىنىڭ اۋەجايلارى؛
- لوتەرەيا كلۋبتارى جانە لوتەرەيا ساتاتىن وزگە دە ورىندار؛
- بالالاردىڭ (جابىق) ويىن-ساۋىق ورتالىقتارى؛
- سيركتەر؛
- وتەلدەر، قوناق ۇيلەر.
سونداي-اق نۇر-سۇلتان، الماتى، شىمكەنت قالالارىنىڭ باس سانيتار دارىگەرلەرى:
- "Ashyq" جوباسىنا قاتىساتىن الەۋمەتتىك-ەكونوميكالىق وبەكتىلەردىڭ قىزمەتىن شەكتەۋ ولشەمشارتتارىنىڭ ساقتالۋىن باقىلاۋدا ۇستاۋى ءتيىس؛
- "Ashyq" جوباسىن ۇيىمداستىرۋعا جانە ەنگىزۋگە قويىلاتىن تالاپتاردى بۇزۋ فاكتىلەرى بويىنشا جوباعا قاتىسۋشىلارعا قاتىستى جانە شەكتەۋ، كارانتيندىك شارالاردى بۇزۋعا جول بەرگەن ادامدارعا قاتىستى اكىمشىلىك ىقپال ەتۋ شارالارىن قولدانۋدى قامتاماسىز ەتسىن؛
- قىزمەت تۇرىنە تىيىم سالىنعان جانە رۇقسات بەرۋ قۇجاتتارى جوق وبەكتىلەردىڭ قاتىسۋىنا جول بەرمەۋ.
قاۋلىنىڭ تولىق نۇسقاسى مىنا سىلتەمەدە.
پىكىر قالدىرۋ