بۇگىن ءماجىلىس سپيكەرى نۇرلان ءنىعماتۋليننىڭ توراعالىعىمەن بيۋرو وتىرىسى ءوتىپ، وندا الداعى جالپى وتىرىستىڭ كۇن ءتارتىبى ناقتىلاندى.
الداعى جالپى وتىرىستا دەپۋتاتتار قاراۋىنا قازاقستان رەسپۋبليكاسى ۇكىمەتىنىڭ جانە رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2020 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتەرى ۇسىنىلاتىن بولادى.
بيۋرو وتىرىسىندا دەپۋتاتتارعا ءبىرقاتار زاڭ جوبالارىن II وقىلىمدا قاراۋ ۇسىنىلدى. اتاپ ايتقاندا، اكىمشىلىك قۇقىق بۇزۋشىلىق تۋرالى كودەكسىنە، سونداي-اق، ازاماتتاردىڭ جەكەلەگەن ساناتتارىن الەۋمەتتىك قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوبالارى بار.
سونىمەن قاتار، «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارىن دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن II وقىلىمدا قاراۋ كوزدەلىپ وتىر.
ءماجىلىستىڭ باسپا ءسوز قىزمەتى
پىكىر قالدىرۋ