پرەزيدەنت جوعارعى سوت كەڭەسىندە كادرىق ءاۋىس-تۇيىس جاسادى.
اقوردا سايتىنىڭ حابارلاۋىنشا، توقايەۆ جوعارعى سوت كەڭەسىنىڭ ءتوراعاسى تالعات سوۆەتبەك ۇلى دوناقوۆتى لاۋازىمىنان بوساتىپ، ورنىنا دەنيس الەكسەيەۆيچ شيپپتى تاعايىنداعان..
دەنيس شيپپ 1968 جىلى دۇنيەگە كەلگەن. ومبى مەملەكەتتىك ۋنيۆەرسيتەتىن قۇقىقتانۋ ماماندىعى بويىنشا، كوروليەۆ اتىنداعى سامارا مەملەكەتتىك اەروعارىش ۋنيۆەرسيتەتىن اياقتاعان.
ول 2011 جىلدان 2015 جىلعا دەيىن الماتى قالاسىنىڭ مامانداندىرىلعان قارجى سوتىنىڭ ءتوراعاسى قىزمەتىن اتقاردى. ال 2015 جىلدىڭ جەلتوقسان ايىنان باستاپ ق ر جوعارعى سوتىنىڭ سۋدياسى، مامانداندىرىلعان سوت القاسىنىڭ مۇشەسى بولدى.
