پرەزيدەنت قاسىم-جومارت توقايەۆ "ادام قۇقىقتارى سالاسىندا ودان ءارى شارالار تۋرالى" جارلىققا قول قويدى. بۇل تۋرالى اقوردا سايتى حابارلادى.

– ادام قۇقىقتارى سالاسىنداعى ناقتى شارالاردى ودان ءارى جۇزەگە اسىرۋ – ساياسي جاڭعىرۋدىڭ ماڭىزدى كەزەڭى. بۇگىن ءتيىستى جارلىققا قول قويىلدى. ۇكىمەتكە ونى ورىنداۋ ءۇشىن شۇعىل شارالار جوسپارىن قابىلداۋعا تاپسىرما بەرىلدى، – دەپ جازدى پرەزيدەنت توقايەۆ twitter پاراقشاسىندا.

بۇگىن پرەزيدەنت قاسىم-جومارت توقايەۆ "ادام قۇقىقتارى سالاسىندا ودان ءارى شارالار تۋرالى" جارلىققا قول قويدى. 

"قازاقستان رەسپۋبليكاسىنىڭ ۇكىمەتى ادام قۇقىقتارى سالاسىنداعى ءبىرىنشى كەزەكتەگى شارالار جوسپارىن بەكىتسىن، وندا مىناداي جۇمىس باعىتتارىن كوزدەسىن:

• بۇۇ-نىڭ شارتتىق ورگاندارىمەن جانە بۇۇ-نىڭ ادام قۇقىقتارى بويىنشا كەڭەسىنىڭ ارناۋلى راسىمدەرىمەن ءوزارا ءىس-قيمىل تەتىكتەرىن جەتىلدىرۋ؛

• ادام ساۋداسى قۇرباندارىنىڭ قۇقىقتارىن قامتاماسىز ەتۋ؛

• مۇگەدەكتىگى بار ازاماتتارعا قاتىستى ادام قۇقىقتارى؛

• ايەلدەرگە قاتىستى كەمسىتۋدى جويۋ؛

• بىرلەسۋ بوستاندىعىنا قۇقىق؛

• پىكىر ءبىلدىرۋ بوستاندىعىنا قۇقىق؛

• ادامنىڭ ءومىر سۇرۋگە جانە قوعامدىق تارتىپكە قۇقىعى؛

• ۇكىمەتتىك ەمەس ۇيىمدارمەن ءوزارا ءىس-قيمىل تيىمدىلىگىن ارتتىرۋ؛

• ادامنىڭ قىلمىستىق سوت تورەلىگى، اتقارۋ جانە ازاپتاۋلار مەن قاتىگەز ىس-ارەكەتتەردىڭ الدىن الۋ سالاسىنداعى قۇقىقتارى" دەلىنگەن جارلىقتا.

وسى جارلىقتىڭ ورىندالۋىن باقىلاۋ پرەزيدەنت اكىمشىلىگىنە جۇكتەلدى. جارلىق قول قويىلعان كۇنىنەن باستاپ قولدانىسقا ەنگىزىلەدى.