تۇركىستان وبلىسى اكىمدىگى مەن تۇركىستان قالاسى اكىمدىگىندە كادرلىق وزگەرىستەر بولدى. بۇل تۋرالى اكىمدىكتەردىڭ باسپا ءسوز قىزمەتى حابارلادى.
وبلىس باسشىسى ءومىرزاق شوكەيەۆتىڭ شەشىمىمەن تۇركىستان قالاسىنىڭ اكىمى بولعان راشيد ايۋپوۆ تۇركىستان وبلىسى اكىمىنىڭ ورىنباسارى بولىپ تاعايىندالدى.
راشيد ايۋپوۆ 1981 جىلى دۇنيەگە كەلگەن. اكادەميالىق يننوۆاسيالىق ۋنيۆەرسيتەتىنىڭ زاڭ فاكۋلتەتىن بىتىرگەن. 2015 جىلى لوندونداعى Queen Mary University ۋنيۆەرسيتەتىنىڭ مەملەكەتتىك باسقارۋ ماگيسترى دارەجەسىن العان. 2018 جىلى "Shymkent "اكك" اق باسقارما ءتوراعاسى، 2019 جىلى تۇركىستان قالاسىنىڭ اكىمى بولعان.
جاقىندا راشيد ايۋپوۆ ءوزىنىڭ twitter پاراقشاسىندا كاسىپكەر، Tesla جانە SpaceX كومپانيالارىنىڭ باس اتقارۋشى ديرەكتورى يلون ماسكتى تۇركىستاندا Tesla زاۋىتىن سالۋعا شاقىرعان ەدى.
ال تۇركىستان قالاسىنىڭ باسشىلىعىنا بۇعان دەيىن تۇركىستان وبلىسى ورداباسى اۋدانىنىڭ اكىمى بولعان نۇربول تۇراشبەكوۆ كەلدى.
پىكىر قالدىرۋ