قازاقستاندا 2021 جىلى 84 بالا وز-وزىنە قول جۇمسادى. وزىنە قول سالماق بولعان تاعى 164 بالا قۇتقارىلدى. بۇل تۋرالى ىشكى ىستەر ءمينيسترى ەرلان تۇرعىمبايەۆ ايتتى.
ءمينيستردىڭ سوزىنشە، بالالاردى سۋيسيد جاساۋعا تۋىستارمەن بولعان جانجال، جالعىزدىق سەزىمى، دوستارمەن قارىم-قاتىناستىڭ ءۇزىلۋى، ماتەريالدىق جاعداي، وقۋ ورنىنداعى كەلەڭسىزدىكتەر سياقتى سەبەپتەر يتەرمەلەيدى.
اتاپ ايتقاندا:
- جالعىزدىق سەزىمى – 12%؛
- دوستارمەن قارىم-قاتىناستىڭ ءۇزىلۋى – 10%؛
- وقۋ ورنىنداعى كەلەڭسىزدىك، قولايسىز ماتەريالدىق جاعداي – 3%.
تۇرعىمبايەۆ جاز باستالعالى بالالارمەن بولعان جازاتايىم وقيعالاردىڭ سانى ارتقانىن ايتتى. 30 بالا تەرەزەدەن قۇلاپ كەتىپ، ونىڭ 6-ى قايتىس بولعان، 24ء-ى ءتۇرلى جاراقات العان. كامەلەتكە تولماعاندار اراسىندا جول اپاتىنان 43 بالا قايتىس بولعان. وعان سەبەپ بالالار قاۋىپسىزدىك بەلدىكتەرىن بەكىتپەيدى نەمەسە بالالار ۇستايتىن قۇرىلعىلارسىز تاسىمالدانادى.
پىكىر قالدىرۋ