بۇۇ گۋمانيتارلىق ءبولىمىنىڭ باسشىسى مارك لوۋكوك ەفيوپيانىڭ سولتۇستىگىندە اشارشىلىق بولىپ جاتقانىن جاريالادى.
– ءقازىردىڭ وزىندە اشارشىلىق بولىپ جاتىر. جاعداي ودان بەتەر ناشارلاي تۇسپەك، – دەدى ول.
زەرتتەۋ بارىسىندا 350 مىڭ ادام سوعىس باستالعان تيگراي ايماعىندا اۋىر داعدارىستا ءومىر ءسۇرىپ جاتقانى انىقتالدى. ۇكىمەتتىك كۇشتەر مەن كوتەرىلىسشىلەر اراسىنداعى شايقاس تيگرايدى قاتتى كۇيزەلىسكە ۇشىراتتى، 2020 جىلى قاراشادا شايقاس باستالعاننان بەرى 1،7 ميلليون ادام باسقا جاققا قونىس اۋدارعان. باعالاۋعا سايكەس، ايماقتاعى ازىق-تۇلىك جاعدايى اپاتتىق دەڭگەيگە جەتتى. جەرگىلىكتى اۋداندارداعى تۇرعىندارعا اشتىق پەن ءولىم ءقاۋپى ءتونىپ تۇرعانى حابارلاندى.
