ءبىلىم جانە عىلىم ءمينيسترى اسحات ايماعامبەتوۆ بيىل جوعارى وقۋ ورىندارىندا گرانت سانى جانە ستيپەنديانىڭ وسەتىنىن مالىمدەدى. بۇل تۋرالى ول حالىق الدىندا ەسەپ بەرۋ كەزدەسۋىندە ايتتى.

– 2025 جىلعا دەيىن گرانت سانىن كوبەيتۋ جوسپاردا بار جانە ول 75 مىڭ ورىندى قامتيدى. وسى باعىتتا ءتيىستى جۇمىستار جۇرگىزىلىپ جاتىر. بيۋدجەتتەن دە قاجەتتى قاراجات ءبولىندى. وسى قىركۇيەك ايىندا گرانت سانى 5 مىڭعا ۇلعايادى. جىل سايىن جوعارى وقۋ ورىندارىنا 51 مىڭ گرانت بولىنەتىن، ەندى بيىل 56 مىڭ بولادى، – دەدى مينيستر.

ايماعامبەتوۆتىڭ ايتۋىنشا، قىركۇيەكتەن باستاپ باكالاۆردا وقيتىن ستۋدەنتتەردىڭ ستيپەندياسى – 31 مىڭ تەڭگەدەن ءسال اسادى، ال ماگيسترانتتار شاكىرتاقىسى 15 پايىزعا ءوسىپ، شامامەن 76 مىڭ تەڭگەگى قۇرايتىن بولادى. دوكتورانتتاردىڭ ستيپەندياسى – 82 پايىزعا وسەدى. ياعني قىركۇيەكتەن باستاپ ولار 172 مىڭ تەڭگە الادى. 2025 جىلعا دەيىن ستيپەنديا جىل سايىن ارتا بەرەدى.