وقيعا 14 ماۋسىم تاڭعى 7:00 شاماسىندا بولعان. الاتاۋ اۋدانىندا "حيۋنداي ەلانترا" ماركالى قىزمەتتىك كولىگىنىڭ جۇرگىزۋشىسى وتەمىس ۇلى كوشەسىمەن ءجۇرىپ كەلە جاتىپ مانيەۆر جاساعان كولىكتەن قاشامىن دەپ جاياۋ جۇرگىنشىنى قاعىپ كەتكەن.
"حيۋنداي ەلانترا" كولىگىنىڭ جۇرگىزۋشى وتەمىس ۇلى كوشەسىنىڭ وڭتۇستىك باعىتىندا كەلە جاتىپ، كەنەتتەن مانيەۆر جاساي باستاعان كولىكپەن سوقتىعىسۋدى بولدىرماۋ ءۇشىن اۆتوكولىك جۋۋ ورنىنىڭ شىعىس جاعىنا قاراي شىعىپ كەتتى، سول جەردە جاياۋ جۇرگىنشى – س.ەسىمدى ازاماتتى قاعىپ كەتتى. سونداي-اق "گازەل" اۆتوكولىگىنە سوقتىعىستى. "جول-كولىك وقيعاسى سالدارىنان جاياۋ جۇرگىنشى كوز جۇمدى. اتالعان فاكت سوتقا دەيىنگى تەرگەۋدىڭ ءبىرىڭعاي تىزىلىمىنە ق ر قك-نىڭ 345-بابى، 3ء-بولىمى بويىنشا تىركەلدى. قىلمىستىق ءىستى الماتى قالالىق پد انىقتاۋ باسقارماسى جۇرگىزۋدە. جۇرگىزۋشىگە قاتىستى تەرگەۋ امالدارى جۇرگىزىلۋدە" دەپ حابارلادى الماتى قالالىق پوليسيا دەپارتامەنتىنىڭ باسپا ءسوز قىزمەتى.
Kris_p_kz instagram پاراقشاسىنداعى ۆيدەودا وقيعا كۋاگەرى پوليسەي ادامدى جوعارى جىلدامدىقپەن قاققانىن ايتقان.
پوسموترەت ەتۋ پۋبليكاسيۋ ۆ Instagram
دەرەككوز:قازاقپارات
پىكىر قالدىرۋ