الماتىدا پوليسيا قىزمەتكەرى جاياۋ جۇرگىنشىنى قاعىپ كەتتى. بۇل تۋرالى قالالىق پوليسيا دەپارتامەنتىنىڭ باسپا ءسوز قىزمەتى حابارلادى.
وقيعا 14 ماۋسىم ساعات 7:00-دە الماتىنىڭ الاتاۋ اۋدانىندا بولعان. سالدارىنان جاياۋ جۇرگىنشى وقيعا ورنىندا كوز جۇمدى.
"پوليسيا قىزمەتكەرى Hyundai Elantra ماركالى قىزمەتتىك كولىكپەن وتەمىس ۇلى كوشەسىمەن وڭتۇستىككە قاراي ءجۇرىپ كەلە جاتقان. كۇتپەگەن جەردەن الدىنداعى كولىك مانيەۆر جاساي باستايدى. پوليسەي ونىمەن سوقتىعىسىپ قالماس ءۇشىن كىلت بۇرىلىپ، جول جيەگىنە شىعىپ كەتكەن. سول جەردە جاياۋ كەلە جاتقان ايەلدى قاعىپ كەتتى. سوسىن "گازەل" كولىگىنە سوعىلدى" دەلىنگەن دەپارتامەنت تاراتقان حابارلامادا.
ءقازىر اتالعان وقيعا بويىنشا قىلمىستىق كودەكستىڭ 345-بابى، 3-تارماعى (كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى ابايسىزدا ادام ولىمىنە اكەپ سوعۋى) بويىنشا سوتقا دەيىنگى تەرگەۋ باستالدى.
ەگەر دە پوليسيا قىزمەتكەرىنىڭ كىناسى دالەلدەنسە، بەس جىلعا دەيىن باس بوستاندىعىنان ايىرىلادى.
پىكىر قالدىرۋ