بۇگىن Nur Otan پارتياسى ءتوراعاسىنىڭ ورىنباسارى باۋىرجان بايبەكتىڭ ازاماتتىق بەلسەندىلەر جانبولات ماماي مەن ينگا يمانبايدىڭ ۇستىنەن تۇسىرگەن تالاپ ارىزى بويىنشا نەگىزگى سوت پروسەسى باستالدى.
ونلاين وتىرىستا باۋىرجان بايبەكتىڭ وكىلى ايجان تاشەنوۆا 1 ساعاتتان استام ۋاقىت سويلەپ، ج. مامايدى ب.بايبەكتى قارالاۋ ءۇشىن الماتىدا جۇرگىزىلگەن بارلىق رەفورمالاردى تۇبەگەيلى جوققا شىعارىپ وتىر دەپ ايىپتادى. بەلسەندىنىڭ تەمىر قورشاۋلار مەن بيلبوردتاردى الىپ تاستاۋ كەزىندە قىزمەت بابىن اسىرا پايدالاندى دەگەن ايىپتاۋىنا جاۋاپ بەردى.
ال جانبولات ماماي تاراپى ايىپتاۋشى تاراپ زاڭگەرىنىڭ تىم ۇزاق سويلەگەنىن، بۇعان سۋديا ارالاسپاي وتىرعانىن ايتىپ، سۋديانى اۋىستىرۋدى سۇرادى. سونداي-اق ول پروسەسكە تىكەلەي جانە جاناما تۇردە قاتىسى بولعان سوڭ باۋىرجان بايبەك پەن ونىڭ تۋىستارىن قاتىستىرۋدى سۇرادى. الايدا ونىڭ وتىنىشتەرىن سۋديا قاناعاتتاندىرمادى.
ارتىنشا جانبولات ماماي ەرتەڭ، 15 ماۋسىم كۇنى 9:30-دا باۋىرجان بايبەك تالاپ ارىزى بويىنشا سوت تالابى جاريالاناتىنىن، 12:00-دە سوت قورىتىندىسى بويىنشا پرەسس-كونفەرەنسيا وتەتىنىن ءمالىم ەتتى.
پىكىر قالدىرۋ