الماتى قالاسى الاتاۋ اۋدانىندا پوليسەي قىزمەتتىك كولىگىمەن قاعىپ مەرت قىلعان ايەل تۋرالى قوسىمشا دەرەك شىقتى. وقيعا كەشە تاڭعى 7-لەر شاماسىندا بولعان. كولىك كەلىنشەكتى 5 مەتر جەرگە دەيىن ۇشىرىپ جىبەرگەن.  

استانا ارناسىنىڭ حابارلاۋىنشا، ايەل 50 جاستا بولعان. ارتىندا ەكى بالاسى قالدى.

كەلىنشەك كولىك جۋۋ ورتالىعىندا جۇمىس ىستەگەن. ول تۇڭگى اۋىسىمدا بولىپ، اۋىسىمىن تاپسىرعان سوڭ مەكتەپ ءبىتىرىپ اتتەستات الىپ جاتقان كەنجە ۇلىن قۇتتىقتاۋعا بارماقشى بولعان.

– جۇزبەن كەلە جاتقان عوي، 5 مەترگە ۇشىرىپ جىبەرگەن. ءوزىڭىز ويلاڭىز نا سمەرت كەتكەن. باستان دىم جوق. سوترۋدنيكتار ۆ ليۋبوم سلۋچاە وزدەرىن ءقازىر ساۋ دەپ ايتىپ وتىر. جازاسىن الادى، الۋ كەرەك، – دەيدى مارقۇم كەلىنشەكتىڭ قايىن اپاسى سۇڭگىلشاش ايتۋعانوۆا.

الماتى قالاسى پاترۋلدىك پوليسيا پولكى كومانديرىنىڭ ورىنباسارى جانىبەك وسكەنبايەۆ وقىس وقيعاعا تاپ بولعان وتباسىعا بارلىق جاعىنان كومەك كورسەتىلەتىنىن ءمالىم ەتتى.

ادام قاعىپ ولتىرگەن پوليسەي 5 جىلعا سوتتالۋى مۇمكىن.