نۇرسۇلتان نازاربايەۆ "سامۇرىق-قازىنا" ۇلتتىق ءال-اۋقات قورى" اق باسقارما ءتوراعاسى الماسادام ساتقالييەۆ پەن "لۋكويل" كومپانياسىنىڭ پرەزيدەنتى ۆاگيت الەكپەروۆتى قابىلدادى. بۇل تۋرالى elbasy.kz سايتى حابارلادى.
سايت مالىمەتىنشە، كەزدەسۋدە مۇناي-گاز سالاسىنداعى ارىپتەستىكتى دامىتۋ ماسەلەلەرى مەن ينۆەستيسيالىق جوبالاردى جۇزەگە اسىرۋ جوسپارى تالقىلانعان.
– "لۋكويل" كومپانياسى – قازاقستاندا بۇرىننان كەلە جاتقان ءىرى ينۆەستورلاردىڭ ءبىرى. سىزدەر "تەڭىز"، "قاراشىعاناق" سياقتى كەن ورىندارىندا جۇمىس ىستەيسىزدەر، "كاسپيي قۇبىر كونسورسيۋمىنىڭ" ينفراقۇرىلىمدىق جوباسىنا قاتىسىپ جاتىرسىزدار، – دەدى نازاربايەۆ.
ۆ.الەكپەروۆ ەلباسىعا بىرلەسكەن جوبالاردى ىسكە اسىرۋ، سونىڭ ىشىندە كاسپيي تەڭىزىندەگى ءبىرقاتار كەن ورىندارىن يگەرۋ ارقىلى قازاقستان ەكونوميكاسىنا سالىناتىن ينۆەستيسيا كولەمىن ارتتىرۋ جوسپارى تۋرالى ايتقان.
پىكىر قالدىرۋ