پرەزيدەنت ق.توقايەۆ وبلىستاردىڭ جانە رەسپۋبليكالىق ماڭىزى بار قالالاردىڭ اكىمدەرىمەن اۋىل اكىمدەرىن سايلاۋ ماسەلەلەرى جونىندە كەڭەس وتكىزدى. جيىنعا پرەزيدەنت اكىمشىلىگى مەن ۇكىمەتتىڭ باسشىلىق قۇرامى قاتىستى، دەپ حابارلادى اقوردا سايتى.
پرەزيدەنت الداعى سايلاۋ ناۋقانىنىڭ ماڭىزدى ەكەنىن اتاپ ءوتتى.
– وسى وقيعانى ەلىمىزدىڭ تاريحىنداعى ايتۋلى بەلەس دەپ ايتۋعا بولادى. نەگىزى، بۇل ءبىز ءۇشىن ستراتەگيالىق ءمانى ايرىقشا مىندەت. ازاماتتارىمىز تۇڭعىش رەت جەرگىلىكتى اتقارۋشى بيلىكتىڭ باسشىسىن تىكەلەي سايلاۋ مۇمكىندىگىنە يە بولماق. ءبىز بۇعان بىرتىندەپ، جوسپارلى تۇردە كەلدىك. الداعى سايلاۋ ءبىز جۇزەگە اسىرىپ جاتقان ساياسي رەفورمالارعا تىڭ سەرپىن بەرەدى دەپ سەنەمىن. سونداي-اق تۇرعىنداردى ەل باسقارۋ جانە شەشىم قابىلداۋ ۇدەرىسىنە تارتۋعا جول اشادى، – دەدى قاسىم-جومارت توقايەۆ.
وسى رەتتە قاسىم-جومارت توقايەۆ جەرگىلىكتى اتقارۋشى بيلىكتىڭ جاۋاپكەرشىلىگى جوعارى بولۋعا ءتيىس ەكەنىنە باسا ءمان بەردى.
– اكىمدەر – بيلىكتىڭ ءاربىر ەلدى مەكەندەگى تىكەلەي وكىلى. جۇرت ولاردىڭ قىزمەتىنە قاراپ بۇكىل مەملەكەتتىك باسقارۋ جۇيەسىنىڭ تيىمدىلىگىن باعالايدى. سوندىقتان ءتيىمدى مەملەكەت جانە ادىلەتتى قوعام تالاپتارىنا ساي بولۋ ءۇشىن الداعى سايلاۋدى دۇرىس ۇيىمداستىرۋ وتە ماڭىزدى، – دەدى قاسىم-جومارت توقايەۆ.
پىكىر قالدىرۋ