الماتى قالاسى جەتىسۋ اۋدانىنىڭ اكىمشىلىگى ۆاكسينا سالدىرعان اۋدان تۇرعىندارى اراسىندا ۇتىس وينىن جاريالادى. بۇل تۋرالى جەتىسۋ اۋدانىنىڭ اكىمى گۇلنار كوكەبايەۆا instagram پاراقشاسىندا حابارلادى.
"قۇرمەتتى جەتىسۋ اۋدانىنىڭ تۇرعىندارى مەن قوناقتارى! ءبىزدىڭ "ۆاكسينا ال – جۇلدە ال" ناۋقانىمىز جالعاسىن تابۋدا! ەكپەنىڭ ءبىرىنشى كومپونەنتىن سالدىرىپ، باا-دە ەكى ادامنىڭ دەمالىسىنا جولداما ۇتىپ الۋ مۇمكىندىگىنە يە بولىڭىز! سەرتيفيكاتتى وزىڭىزگە قولايلى ۋاقىتتا پايدالانۋ مۇمكىندىگىمەن بەرىلەدى! ناۋقان 24 ماۋسىمدا باستالىپ، 11 شىلدەگە دەيىن جالعاسادى. جەڭىمپازداردى تىكەلەي ەفيردە انىقتايمىز!" دەلىنگەن گۇلنار كوكەبايەۆانىڭ جازباسىندا.
پرەزيدەنت ق.توقايەۆ كەشە ۆاكسيناسيا قارقىنى باسەڭسىپ قالعانى تۋرالى مالىمدەپ، قازاقستاندا ءۇندى شتاممى انىقتالعاننان كەيىن كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا ۇسىنىسى بويىنشا 20 ادامنان ارتىق ادام جۇمىس ىستەيتىن بار كەز كەلگەن ۇجىم ۆاكسينا سالدىرۋعا مىندەتتەلدى. ۆاكسيناسيادان باس تارتقان جاعدايدا 7 كۇن سايىن قىزمەتكەر اقىلى تۇردە پتر-تەست تاپسىرۋعا ءتيىس.
پىكىر قالدىرۋ