پرەزيدەنت قاسىم-جومارت توقايەۆ بۇقارالىق اقپارات قۇرالدارى قىزمەتكەرلەرىن مەرەكەلەرىمەن قۇتتىقتادى.
– اقپارات سالاسى – قوعامدىق پىكىر قالىپتاستىراتىن ماڭىزدى سالا. "حالىقتىڭ كوزى، قۇلاعى ءھام ءتىلى" رەتىندە ەلگە ادال قىزمەت ەتۋ – ءار ءجۋرناليستىڭ ابىرويلى مىندەتى. سىزدەر قاشاندا ۇلت مۇددەسىن بارىنەن بيىك قويىپ، ەل قامى ءۇشىن قالام تارتىپ جۇرسىزدەر. مەملەكەتشىلدىك قۇندىلىقتى دارىپتەپ، جاسامپازدىق پەن جاقسىلىقتىڭ جارشىسى بولىپ كەلەسىزدەر. اقپارات سالاسىن دامىتۋعا مەملەكەت تاراپىنان قاشاندا ەرەكشە كوڭىل بولىنەدى. ءوز كاسىبىنىڭ مايتالمانى بولعان قارىمدى جۋرناليستەرگە قولداۋ كورسەتىلەدى، – دەدى مەملەكەت باسشىسى.
پرەزيدەنت 1 قازاندى "راديو قىزمەتكەرلەرى كۇنى" رەتىندە رەسمي تۇردە بەكىتەتىنىن مالىمدەدى.
– سوڭعى كەزدە راديو قىزمەتكەرلەرىنىڭ كاسىبي مەرەكەسى جوق ەكەنى ءجيى ايتىلىپ ءجۇر. مەن قازاق راديوسىنىڭ 100 جىلدىعى اياسىندا 1 قازاندى راديو قىزمەتكەرلەرى كۇنى دەپ رەسمي تۇردە بەكىتكەن ءجون دەپ سانايمىن، – دەدى توقايەۆ.
پىكىر قالدىرۋ