"Capital Bank Kazakhstan" اكسيونەرلىك قوعامى، باعالى قاعازدار نارىعىنداعى بانكتىك جانە وزگە دە وپەراسيالار مەن قىزمەت جۇرگىزۋگە بەرىلگەن ليسەنزياسىنان ايىرىلدى. بۇل تۋرالى قارجى نارىعىن رەتتەۋ جانە دامىتۋ اگەنتتىگى حابارلادى.
اگەنتتىك مالىمەتىنشە، ليسەنزيادان ايىرىلۋعا پرۋدەنسيالىق نورماتيۆتەردى جانە باسقا دا مىندەتتى نورمالار مەن ليميتتەردى جۇيەلى تۇردە بۇزۋى، بانكتىڭ ءىرى قاتىسۋشىسىنىڭ ۋاكىلەتتى ورگاننىڭ قوسىمشا كاپيتالداندىرۋ جونىندەگى تالاپتارىن ورىنداماۋى "Capital Bank Kazakhstan" بانكىنىڭ تولەمگە قابىلەتسىز بانك ساناتىنا جاتقىزىلۋى سەبەپ بولعان.
"بانكتىڭ ءوتىمدى اكتيۆتەرىنىڭ مولشەرى 149 ميلليون تەڭگەنى قۇرايدى، ورىندالماعان كليەنت تولەمدەرىنىڭ كولەمى 15،0 ميلليارد تەڭگەدەن اسادى.
اگەنتتىك بانككە پرۋدەنسيالىق نورماتيۆتەردى ورىنداماۋىنا بايلانىستى 29 قاداعالاپ دەن قويۋ شاراسىن قابىلداپ، 67 اكىمشىلىك قۇقىق بۇزۋشىلىق تۋرالى حاتتاما تولتىرعان. بىلتىر بانك اكسيونەرى بانكتىڭ قارجىلىق جاعدايىن جاقسارتۋعا قاتىستى جوسپارىن ۇسىندى. وسىلايشا سول جوسپاردى ورىنداۋ بارىسىندا اگەنتتىكتىڭ قاتاڭ باقىلاۋىمەن بانك 2020 جانە 2021 جىلدارى بانكتىڭ دەپوزيتورلار الدىنداعى 31 ميلليارد تەڭگە سوماسىنداعى مىندەتتەمەلەرىن تومەندەتتى" دەلىنگەن حابارلامادا.
قارجى نارىعىن رەتتەۋ اگەنتتىگى بانك سالىمشىلارى 99%-نىڭ دەپوزيتى تولىق كولەمدە وتەلەتىنىن ءمالىم ەتتى.
پىكىر قالدىرۋ