ساياباقتا حاسكي تۇقىمداس يتىمەن سەرۋەندەپ جۇرگەن ەلوردالىق تۇرعىن الينا نۇرتاس الەۋمەتتىك جەلىدەگى پاراقشاسىندا حالىق قاھارمانى، عارىشكەر تالعات مۇسابايەۆتىڭ وزىنە قول كوتەرگەنىن ايتتى.
– ساياباقتا قىسقا قارعىباۋمەن بايلانعان يتىممەن بىرگە سەرۋەندەپ جۇرگەنمىن. ءيتتىڭ تۇمىلدىرىعىن دا الا شىقتىم (زاڭ بويىنشا حاسكي يتىنە تۇمىلدىرىق كيگىزىپ ءجۇرۋ شارت ەمەس) قاجەتتى قالتالار دا بار (يتتەن قالعان تەزەكتى سالاتىن). وسىلاي سەرۋەندەپ كەلە جاتسام، بەلگىسىز ءبىر ادامنىڭ ماعان ايقايلاعانىن ەستىدىم. ءارى قاراي جۇرە بەردىم، ءبىراق ول بەلگىسىز ادام جاقىنداپ كەلىپ، تاعى ايقايلادى. "يدي ۆ زاد" دەدىم (ارينە، "الينا، ءوزىڭ ايىپتىسىڭ!" دەرسىز. ءبىراق مەن ايىپتى ەمەسپىن. نەگىزسىز اگرەسسيا كورسەتىلگەن ساتتە مەنەن شىققان رەاكسيا وسى بولدى. ءارى قاراي جۇرە بەردىم. ول ادام بۇرىلىپ، مەنىڭ يىعىمنان ءبىر ۇردى (جۇدىرىعىمەن). قولىم ۇيىپ بارادى. پوليسيا شاقىردىم. ارينە ءبىر نارسەنى دالەلدەۋ مۇمكىن ەمەس. سەبەبى ول تالعات مۇسابايەۆ، – دەپ جازدى الينا نۇرتاس.
بويجەتكەن Instagram پاراقشاسىندا stories ارقىلى وقيعانىڭ ءمان-جايىن سيپاتتادى. ايتۋىنشا، پوليسيا باستاپقىدا ءىستى قاراپ، ءارى قاراي شاعىم تۇسپەس ءۇشىن ماسەلەنى جابا سالعان.
– مەن نە ايتا الامىن؟! ەندى قازاقستاندا كوشەگە شىعۋعا قورقامىن. بۇل ەلدە قاۋىپسىزدىك جوق، زاڭ دا مەنىڭ جاعىمدا ەمەس. زاڭ كۇشى مەن بيلىگى بار ادامداردىڭ جاعىندا. قازاقستان كەشىر مەنى، ءبىراق مەنىڭ اكەم پرەزيدەنت ەمەس. سوندىقتان مەن ءار ادامنىڭ قۇقىعى زاڭمەن قورعالعان جاققا كەتەمىن. وعان دەيىن دالاعا شىعۋ ءۇشىن قورقىنىشپەن ءۇنسىز عانا جۇرۋگە ءماجبۇرمىن.
تالعات مۇسابايەۆ مەنى يتىممەن سەرۋەندەپ جۇرگەنىم ءۇشىن ۇردى. بىرىنشىدەن، سوتتا، زاڭ سالاسىندا ءبارى تەك تانىس ارقىلى شەشىلەدى. كوشەدە بىرەۋ سەنى سوعىپ كەتسە دە، جول اپاتى بولىپ، تانىمال ادام مەن قاراپايىم جۇرگىزۋشى سوقتىعىسسا، ايىپسىز ەكەنىڭدى دالەلدەي المايسىڭ.
ەكىنشىدەن مەنىڭ اكەم يتپەن سەرۋەندەۋگە شىقسا، وعان ەشكىم نارازىلىق ايتپايدى، تيىسپەيدى. سەبەبى ول ەر ادام، سونداي-اق ونىڭ ورگاندا 20 جىل ىستەگەنى ماڭدايىندا جازىلىپ تۇرادى. ال مەن قىز بالامىن، بويىمنىڭ ۇزىندىعى بار بولعانى 165 سم. ياعني ءالسىزبىن. ايقايلاۋعا، قورقىتۋعا ءتىپتى، ۇرۋعا بولادى، – دەدى الينا.
پوسموترەت ەتۋ پۋبليكاسيۋ ۆ Instagram
پىكىر قالدىرۋ