الماتى اكىمى باقىتجان ساعىنتايەۆ ورتالىق كوممۋنيكاسيالار قىزمەتىندە وتكەن بريفينگتە قالانىڭ ەپيدەميولوگيالىق جاعدايىن ايتتى.
– 23 كۇنگى رەپوردۋكتيۆتىك ولشەم 1،12-گە جەتىپ وتىر. ايدىڭ باسىندا بۇل كورسەتكىش 1-دەن تومەن بولاتىن. مامىر ايىندا بىزدە 9939 ناۋقاس تىركەلسە، بۇگىندە 3346 بولدى. كۇندەلىكتى وزگەرىس كوبەيىپ كەلە جاتىر. وسىعان بايلانىستى قايتادان ينفەكسيالىق جاعدايعا جىلدام كوشۋ ءۇشىن قالاداعى 3 كوپسالالى اۋرۋحانانى كوروناۆيرۋسكە بايلانىستى ينفەكسيالىق اۋرۋحاناعا اۋىستىرۋعا جۇمىس جۇرگىزۋدى باستادىق، – دەدى شاھار باسشىسى.
باقىتجان ساعىنتايەۆ قالانىڭ "قىزىل" ايماققا ءوتۋ ءقاۋپى بارىن اتاپ ءوتتى.
– جوسپارلى تۇردە قابىلداناتىن ناۋقاستاردى قابىلداۋ ءقازىر توقتاتىلدى. ءبىر اپتا بويىندا باقىلايمىز. ەگەر وسىلاي جالعاسا بەرەتىن بولسا، وندا ءبىزدىڭ جوبامىز بويىنشا ءقازىر "سارى" ايماقتا تۇرساق، "قىزىل" ايماققا ءوتۋ ءقاۋپىمىز بار. "ءۇندى شتامم" سوعان الىپ كەلە جاتىر، – دەدى ساعىنتايەۆ.
پىكىر قالدىرۋ