الماتى قالاسىنىڭ اكىمى باقىتجان ساعىنتايەۆ كوروناۆيرۋستىڭ "ءۇندى" شتامىنا بايلانىستى قالادا جاڭا شەكتەۋ شارالارى ەنگىزىلەتىنىن مالىمدەدى. بۇل تۋرالى ول ورتالىق كوممۋنيكاسيالار قىزمەتىندە ايتتى.
– لوكداۋن بولمايدى. ءبىراق شەكتەۋ شارالارى مىندەتتى تۇردە ەنگىزىلەدى. قاۋلى جوباسىن قالانىڭ سانيتارلىق-ەپيدەميولوگيالىق قىزمەت دەپارتامەنتى دايىنداپ جاتىر. قازىرگى ۋاقىتتا دەنساۋلىق ساقتاۋ مينيسترلىگى جانىنداعى سانيتارلىق-ەپيدەميولوگيالىق قىزمەت كوميتەتىنىڭ شەشىمىن كۇتەمىز جانە كوميتەتتىڭ العاشقى قاۋلىسى شىققان كەزدە ءبىز دە قاۋلىنى جاريالايمىز.
ۆيرۋستىڭ قانشالىقتى تەز تارايتىنىن كورىپ وتىرمىز، سوندىقتان ءبارى تۇسىنەدى دەپ ويلايمىن. بۇل جەردە ءبىرىنشى كەزەكتە ۆاكسيناسيانى كۇشەيتۋ قاجەت، – دەدى شاھار باسشىسى.
پىكىر قالدىرۋ