نۇر-سۇلتان قالاسىندا كوپ بالالى وتباسىلار ءۇشىن ساتىپ الۋ قۇقىعىنسىز جالعا بەرىلەتىن تۇرعىن ۇيگە قۇجاتتار قابىلداۋ باستالادى. بۇل تۋرالى ەلوردانىڭ تۇرعىن ءۇي ورتالىعى حابارلادى.

"بۇل باعدارلاماعا "كوپ بالالى وتباسىلار" ساناتى بويىنشا تۇرعىن ۇيگە كەزەكتە تۇرعان كوپ بالالى وتباسىلار (تەك اتاۋلى سانات) قاتىسا الادى" دەلىنگەن حابارلامادا.

پاتەرلەردىڭ جالپى سانى – 285.

ەكىبولمەلى پاتەرلەر، اۋدانى – 53،4-57،7 شارشى مەتر ارالىعىندا.

ورنالاسقان جەرى: قورداي كوشەسى، 79 ،79ا جانە ابىلاي حان، 56، 56ا كوشەسى؛

قابىلداۋ كۇنى: 27 ماۋسىم ساعات 00:00-دەن 2021 جىلعى 27 شىلدە ساعات 23:59-گە دەيىن؛

قۇجاتتاردى قابىلداۋ تەك ەلەكتروندىق تۇردە كورسەتىلگەن كەزەڭدە qatysu.zhilfond.kz پورتالى ارقىلى جۇزەگە اسىرىلادى؛

"شارتتارى: نۇر-سۇلتان قالاسىندا "كوپ بالالى وتباسى" ساناتى بويىنشا تۇرعىن ۇيگە كەزەكتە تۇرۋ.

ءوتىنىش بەرگەندەر ىرىكتەۋ قويۋ كۇنى مەن وتباسى قۇرامى بويىنشا قۇجات تاپسىرعاندار اراسىندا وتەدى.

قاتىسۋعا وتىنىشتەردى بارلىق جىلدارداعى (2006-2021) كەزەكتە تۇرعاندار بەرە الادى، الايدا قاتىسۋعا ءوتىنىش بەرگەن كەزەكتە تۇرعاندار اراسىنان الدىمەن كەزەككە ەرتە تۇرعاندار وتەدى. ءبىز قانداي جىلدار وتەتىنىن الدىن-الا بىلمەيمىز، ويتكەنى ناتيجەلەر كەزەكتە تۇرعانداردىڭ قاي جىلدارى ءوتىنىش بەرەتىنىنە بايلانىستى، ال مۇنى بولجاۋ مۇمكىن ەمەس" دەلىنگەن حابارلامادا.

ءوتىنىش بەرۋ ءۇشىن:

1) ەسق كىلتى؛

2) وتباسىنىڭ بارلىق مۇشەلەرىنە ق ر بويىنشا جىلجىمايتىن مۇلىكتىڭ بولماۋى نەمەسە بولۋى تۋرالى انىقتامانىڭ سكانەرلەنگەن نۇسقاسى؛

3) بالالاردىڭ تۋۋ تۋرالى كۋالىكتەرىنىڭ/وتباسى مۇشەلەرىنىڭ جەكە كۋالىگى (بولعان جاعدايدا) سكانەرلەنگەن نۇسقاسى؛

4) نەكە قيۋ /نەكەنى بۇزۋ/اكە بولۋدى انىقتاۋ تۋرالى كۋالىكتىڭ /№4 نىسان /قايتىس بولۋ تۋرالى كۋالىكتىڭ (بولعان جاعدايدا) سكانەرلەنگەن نۇسقاسى؛

5) جىلجىمايتىن مۇلىكتىڭ قۇقىق بەلگىلەيتىن قۇجاتتارىنىڭ (بولعان جاعدايدا) سكانەرلەنگەن نۇسقاسى؛

6) مۇگەدەكتىك تۋرالى انىقتامانىڭ (بولعان جاعدايدا) سكانەرلەنگەن نۇسقاسى؛

7) سوزىلمالى اۋرۋدىڭ تولىق اتاۋى، جەكە بولمەگە مۇقتاجدىعى جانە بەلگىلى ءبىر قاباتى كورسەتىلگەن سوزىلمالى اۋرۋدىڭ مەديسينالىق قورىتىندىسىنىڭ (بولعان جاعدايدا) سكانەرلەنگەن نۇسقاسى.

وتىنىشتەردى قاراستىرۋ ناتيجەلەرى تۋرالى zhilfond.kz جانە zhil-astana.kz سايتتارىندا جانە تۇرعىن ءۇي ورتالىعىنىڭ الەۋمەتتىك جەلىلەرىندە جاريالانادى.