تۇڭعىش پرەزيدەنت نۇرسۇلتان نازاربايەۆ قاراعاندى فارماسيەۆتيكالىق زاۋىتىندا شىعارىلعان "سپۋتنيك V" ۆاكسيناسىنىڭ ءبىرىنشى كومپونەنتىن سالداردى. بۇل تۋرالى Elbasy.kz سايتى حابارلادى.
ۆاكسيناسيادان كەيىن نازاربايەۆ قازاقستاندىقتاردى سانيتارلىق-ەپيدەميولوگيالىق قاۋىپسىزدىك تالاپتارىن ساقتاۋعا جانە بەلسەندى تۇردە ەكپە سالدىرۋعا شاقىردى.
– قازىرگى تاڭدا قازاقستاندا 3 ميلليونعا جۋىق ادام ۆاكسينا سالدىردى. بۇگىن مەن دە كوروناۆيرۋسقا قارسى ۆاكسينا الدىم. بارشا قازاقستاندىقتاردى بەلسەندى تۇردە ۆاكسيناسيا جاساتۋعا، ودان قورىقپاۋعا شاقىرامىن. اسىرەسە ءقازىر ۆيرۋستىڭ جاڭا شتامى پايدا بولعان كەزدە ۆاكسينا سالعىزۋدىڭ ماڭىزى ەرەكشە. بۇل ءوز دەنساۋلىعىمىز ءۇشىن كەرەك. ءبىز كۇردەلى ۋاقىتتا ءومىر ءسۇرىپ جاتىرمىز. وسى قيىندىقتى بىرلەسىپ ەڭسەرۋگە ءتيىسپىز. بارشاڭىزعا شىن جۇرەكتەن مىقتى دەنساۋلىق پەن باق-بەرەكە تىلەيمىن، – دەدى نۇرسۇلتان نازاربايەۆ.
پىكىر قالدىرۋ