سەناتور، عارىشكەر تالعات مۇسابايەۆ ەلوردالىق بويجەتكەنگە شابۋىل جاسالعاندىعى تۋرالى اقپاراتقا تۇسىنىكتەمە بەردى.
– وقيعا ورنىنا ءىىم ەكى قىزمەتكەرى كەلگەندە تۇسىنىكتەمە بەردىك. ارىزدانۋشى دا تۇسىنىك بەردى. مەن وعان قاتىستى ەشقانداي زاڭعا قايشى ىس-ارەكەتتەر جاساعان جوقپىن. كۇش قولدانۋ تۋرالى ءتىپتى ءسوز بولۋى مۇمكىن ەمەس. سول جەردە قىزدىڭ ءوزى قولىن بەرىپ، كەشىرىم سۇرادى. مەنىڭ ونى ۇرعانىم تۋرالى ايىبى مۇلدە نەگىزسىز دەپ سانايمىن، – دەدى مۇسابايەۆ.
نۇر-سۇلتان قالاسى پوليسيا دەپارتامەنتىنىڭ حابارلاۋىنشا، 24 ماۋسىمدا مومىش ۇلى كوشەسىندەگى ترياتلون پاركىندە ەر ادام بويجەتكەندى ۇرعانى تۋرالى قوڭىراۋ تۇسكەن. وقيعا ورنىنا اۆتوپاترۋل جىبەرىلىپ، مۇسابايەۆ پەن بويجەتكەن اراسىنداعى جانجال يت اۋزىندا باۋ بولماعاندىقتان تۋىنداعانى انىقتالعان.
قازىرگى تاڭدا تەرگەۋ جۇمىستارى جۇرگىزىلىپ جاتىر.
ەسكە سالا كەتەيىك، ساياباقتا حاسكي تۇقىمداس يتىمەن سەرۋەندەپ جۇرگەن ەلوردالىق تۇرعىن الينا نۇرتاس الەۋمەتتىك جەلىدەگى پاراقشاسىندا حالىق قاھارمانى، عارىشكەر تالعات مۇسابايەۆتىڭ وزىنە قول كوتەرگەنىن جازىپ، شاعىمدانعان.
پىكىر قالدىرۋ