ەڭبەك ونىمدىلىگىن ارتتىرۋ جانە ەكونوميكا قۇرىلىمىن وزگەرتۋ ءۇشىن الماتى اكىمدىگى سيفرلاندىرۋدى، كرەاتيۆتى يندۋستريانى جانە ءتۋريزمدى دامىتۋ ارقىلى قۇرىلىمدىق مانيەۆر جۇرگىزۋدە. بۇل تۋرالى قالا اكىمى باقىتجان ساعىنتايەۆ ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسياسىندا حابارلادى.

الماتىدا 2025 جىلعا دەيىنگى سيفرلاندىرۋ ستراتەگياسى جانە قالانىڭ ءبىرىڭعاي ىت-ارحيتەكتۋراسى، قالاداعى بارلىق ىت-كومپانيالاردىڭ ءتىزىمى جاسالدى. بولاشاقتا Big data (ۇلكەن دەرەكتەر) جانە جاساندى ينتەللەكت ارقىلى قالا ۇتىمدى باسقارۋعا كوشەدى.

ءقازىردىڭ وزىندە الماتىدا كرەاتيۆتى يندۋستريادا 50 مىڭنان استام ادام (جۇمىسپەن قامتىلعانداردىڭ جالپى سانىنىڭ 5%) جۇمىس ىستەيدى. مۇندا 4،3 مىڭنان استام كاسىپكەر مەن 3،6 مىڭنان استام كومپانيا تىركەلگەن نەمەسە ەلدىڭ كرەاتيۆتى بيزنەسىنىڭ 53%-ى الماتى قالاسىنا تيەسىلى.

«الاتاۋ» كرەاتيۆتى حابى جۇمىس جاساۋدا، مۇندا كۇن سايىن 700 ادامعا دەيىن شىعارماشىلىقپەن اينالىسادى. بيىل ءدال وسىنداي نىساندى قالانىڭ مەدەۋ اۋدانىندا اشۋ جوسپارلانىپ وتىر. جىل سوڭىنا دەيىن Depo Evolution Park بۇرىنعى ترامۆاي پاركىنىڭ بازاسىندا سالىنادى.

كرەاتيۆتى يندۋستريا پاركى الماتىداعى ەڭ ءىرى نىسانداردىڭ بىرىنە اينالادى. مەملەكەت باسشىسىنىڭ تاپسىرماسى بويىنشا الماتىنىڭ كرەاتيۆتى ەكونوميكانى دامىتۋ تاجىريبەسى بۇكىل ەلگە تارايتىن بولادى.

الماتىنى دامىتۋدىڭ پەرسپەكتيۆالى باعىتتارىنىڭ ءبىرى تۋريزم بولىپ تابىلادى. بيىلعى جىلدىڭ ءبىرىنشى توقسانىندا عانا سالاعا تارتىلعان ينۆەستيسيا كولەمى 29،6 ملرد تەڭگەنى (ءوسىم 2،6%) قۇرادى.

ءقازىردىڭ وزىندە مىڭداعان شاقىرىم جاياۋ تاۋ سوقپاقتارى سيفرلاندىرىلدى جانە ۇزىندىعى 500 كم دەيىنگى سوقپاق اباتتاندىرىلدى. قوسىمشا 172 كم تاۋ باعىتتارى اباتتاندىرىلىپ، 4 كەمپينگتىك ايماق پەن 3 گلەمپينگتىك ايماق قۇرىلۋدا.

بيىل الماتىنىڭ تاۋلى ايماقتارىندا تىكۇشاق الاڭىن جاساۋ، 2 باقىلاۋ-قۇتقارۋ پۋنكتىن ۇيىمداستىرۋ جوسپارلانۋدا ءارى 16 قۇتقارۋشى تاۋلىك بويى كەزەكشىلىك ەتەتىن بولادى. سونداي-اق، قۇتقارۋشىلار پۋلتىنە «SOS» سپۋتنيكتىك سيگنالىن بەرۋ مۇمكىندىگى بار شالعاي ۋچاسكەلەردە 15 لاشىق ءۇي سالۋدى جوسپارلاپ وتىرمىز.

«قازاقتەلەكوممەن» بىرگە تاۋلارداعى «كورىنبەيتىن» ايماقتاردى ۇيالى بايلانىسپەن قامتۋ بويىنشا جوبا ازىرلەنۋدە. تۋريستەردىڭ حاباردارلىعىن ارتتىرۋ ءۇشىن 10 ينتەراكتيۆتى تەرمينال ورناتىلادى.