نۇر-سۇلتان قالاسىنىڭ تۇرعىنى ءاليا ءابدىبايىتوۆا الەۋمەتتىك جەلىدەگى پاراقشاسىندا عارىشكەر تالعات مۇسابايەۆ بىلتىر قىستا ترياتلون پاركىندە اۋتيزممەن اۋىراتىن بالاسىنا ۇرسىپ، بالاعاتتاعانىن ايتتى.
– قىستا ترياتلون پاركىندە يتپەن قىدىرىپ جۇرگەن امىرگە ەر ادام اگرەسسيا كورسەتكەن. ول ۇيگە كەلگەن سوڭ بەيتانىس ەر ادام وعان ۇرسىپ، بالاعاتتاپ، يتەرىپ جىبەرگەنىن ايتتى. بۇل جاعدايعا بالانىڭ قولىنداعى كىشكەنتاي يت سەبەپ بولعان، – دەدى ول.
ايتۋىنشا، ۇلى امير اۋتيزممەن اۋىراتىندىقتان ەر ادامعا دۇرىس جاۋاپ بەرە الماعان. ترياتلون پاركىنە سەرۋەنگە شىققان سايىن ول بۇل وقيعانى ەسىنە الاتىنىن ايتتى.
– مەن ءامىردىڭ وتىرىك اتپايتىنىن بىلەمىن. بۇگىن قۇربىم ترياتلون ساياباعىندا يتپەن جۇرگەن قىزعا قاتىستى وسى ادامنىڭ قاتىسۋىمەن بولعان وقيعا جازىلعان ماقالانى جىبەردى. مەن امىرگە وسى ادامنىڭ سۋرەتىن كورسەتتىم، ول ءدال سول قىستا ءوزىن بوقتاپ، يتەرىپ جىبەرگەن ادام وسى ەكەنىن ايتتى، – دەدى ءاليا ءابدىبايىتوۆا.
بۇعان دەيىن 25 ماۋسىم كۇنى الينا نۇرتاس الەۋمەتتىك جەلىدەگى پاراقشاسىندا ساياباقتا حاسكي تۇقىمداس يتىمەن سەرۋەندەپ جۇرگەندە تالعات مۇسابايەۆ وزىنە قول كوتەرگەنىن ايتقان بولاتىن. ال ت. مۇسابايەۆ قىزدىڭ تاققان ايىبىن جوققا شىعاردى.
پوسموترەت ەتۋ پۋبليكاسيۋ ۆ Instagram
پوسموترەت ەتۋ پۋبليكاسيۋ ۆ Instagram
پىكىر قالدىرۋ