ۆكونتاكتە الەۋمەتتىك جەلىسىندە ءاليحان ءومىرزاقوۆ ەسىمدى قولدانۋشى قارۋلارىمەن تۇسكەن سۋرەت پەن بىرنەشە تۇسىنىكسىز جازبا جاريالادى. بۇل تۋرالى qumash تەلەگرام كانالى جازدى.
ول بىرنەشە جازبا جاريالاعان. بىرىندە "ەرتەڭ 28 ماۋسىم كۇنى نۇر-سۇلتاندا ساعات 18:50-دە كەش كوڭىلدى بولادى" دەسە، كەلەسى جازبادا "ەرتەڭ 28.06.2021 18:50-دە مەن ترياتلون ساياباعىنىڭ كىرەبەرىسىندە بولامىن. مەنىمەن بىرگە بولعىسى كەلەتىندەر كەلسىن" دەپ whatsapp نومەر دەلىنگەن ءبىر نومەردى قالدىرادى. جازبالارداعى سۋرەتتەردەن تاپانشا، اۆتومات سەكىلدى سۋىق قارۋ اسىنىپ تۇرعانىن كرۋگە بولادى. ازىرگە قارۋدىڭ شىن يا ويىنشىق ەكەنى، جەلى قولدانۋشىسى بۇل جازباسى ارقىلى نە ايتقىسى كەلگەنى، بۇل شىنايى پاراقشا ما، الدە فەيك پە، ول جاعى ازىرگە بەلگىسىز.
قازىرگى ۋاقىتتا قولدانۋشى پاراقشاسى وشىرىلگەن.
بۇعان دەيىن 11 مامىر كۇنى تاتارستان استاناسى قازانداعى مەكتەپتەردىڭ بىرىنە 19 جاستاعى ءجاسوسپىرىم يلناز گالياۆييەۆ قارۋمەن شابۋىل جاساپ، مەكتەپ كىرەبەرىسىندە قولدان جاسالعان جارىلعىش زاتتى ىسكە قوسقان. سونىڭ سالدارىنان ەكى ءمۇعالىم، جەتى وقۋشى قازا تاۋىپ، 21 ادام جاراقات الدى.
گالياۆييەۆ اتىس بولاتىن ءبىر كۇن بۇرىن جەلىدە "بۇگىن مەن بيومۋسوردىڭ ۇلكەن مولشەرىن ولتىرەمىن" دەپ جازبا جاريالاعان بولاتىن.
پىكىر قالدىرۋ