نۇر-سۇلتان قالاسىنىڭ اكىمى التاي كولگىنوۆ "دەلتا" (ءۇندى) شتاممىنىڭ انىقتالۋىنا بايلانىستى اۋرۋ سانى كۇرت وسكەنىن حابارلادى.

– COVID-19 ىندەتىن جۇقتىرعان ادامداردىڭ سانى مامىر ايىندا 10 مىڭنان اسقان بولسا، ماۋسىم ايىنىڭ باسىندا ءبىرشاما تۇراقتالىپ، 2 مىڭ جاعدايعا دەيىن ازايعان. الايدا ماۋسىم ايىنىڭ ورتاسىنان باستاپ ۆيرۋستىڭ "دەلتا" شتاممىنىڭ انىقتالۋىنا بايلانىستى اۋرۋدىڭ كۇرت ءوسۋى بايقالدى. سوڭعى اپتادا 3500-گە جۋىق جاعداي انىقتالدى. ورتا ەسەپپەن كۇنىنە 500-گە جۋىق جاعداي تىركەلدى، – دەدى اكىم.

ونىڭ ايتۋىنشا، ەپيدەميولوگيالىق جاعدايدى تۇراقتاندىرۋ ءۇشىن ۆاكسيناسيالاۋ شارالارى كۇشەيتىلگەن. ءبىرىنشى جانە ەكىنشى كومپونەنتتەرى بويىنشا بارلىعى 365 مىڭنان استام ادام ەكپە سالدىرعان.

– قابىلدانعان شارالاردىڭ ناتيجەسىندە ۆاكسينا الۋعا نيەت بىلدىرگەندەردىڭ سانى 5 ەسەگە ارتتى. ەگەر مامىر ايىنىڭ ورتاسىندا كۇنىنە 1000-1500 ادام ۆاكسينا سالدىرسا، ماۋسىم ايىنىڭ قازىرگى كۇندەرى 7 مىڭنان استام ادام ۆاكسينا سالدىرۋدا. ستاسيونلارلاردا دارى-دارمەك پەن مەديسينالىق قۇرال-جابدىقتاردىڭ جەتكىلىكتى قورى قالىپتاستىرىلعان، – دەپ اتاپ ءوتتى التاي كولگىنوۆ.