1 شىلدەدە كۇشىنە ەنەتىن جاڭا اكىمشىلىك راسىمدىك-پروسەستىك كودەكسى ەلىمىزگە نە بەرەتىنى تۋرالى Jetisý media اقپاراتتىق الاڭىندا ايتىلدى.

بەلگىلى بولعانداي، جاڭا زاڭنىڭ نورمالارى وتىنىشتەردى قاراۋ بولىگىندە مەملەكەتتىك ورگانداردىڭ جۇمىس فورماتىن وزگەرتۋگە ارنالعان. نەگىزگى ماقساتى ازاماتتاردىڭ قۇقىقتارى مەن زاڭدى مۇددەلەرىن قورعاۋ بولىپ تابىلادى. كودەكس نورمالارى ءوتىنىشتى قاراۋ پروسەسىن دە، الىنعان جاۋاپقا شاعىمدانۋ ءراسىمىن دە ناقتى رەتتەيدى. ءوتىنىش بويىنشا قابىلدانعان مەملەكەتتىك ورگاننىڭ شەشىمىمەن كەلىسپەيتىن ازاماتتار سوت تارتىبىمەن شاعىمدانۋعا قۇقىلى.

"داۋلاردى مامانداندىرىلعان سوتتار قارايدى. قازاقستان رەسپۋبليكاسى پرەزيدەنتىنىڭ جارلىعىمەن (2021 جىلعى 26 قاڭتارداعى) 21 مامانداندىرىلعان اۋدانارالىق اكىمشىلىك سوت قۇرىلدى، ونىڭ ىشىندە ءبىزدىڭ وبلىستا وبلىس ورتالىعى مەن قاسكەلەڭ قالاسىندا ورنالاسقان 2 سوت قۇرىلادى. ءىستى قاراۋ مەرزىمدەرى وزگەردى، داۋدى شەشۋ ءۇشىن اقىلعا قونىمدى، ءبىراق 3 ايدان اسپايتىن مەرزىم بولىنەدى. بۇدان باسقا، تالاپ قويۋدى قابىلداۋ جانە قاراۋ ءراسىمى وڭايلاتىلدى. سوت تالاپ قويۋدى قايتارۋعا عانا قۇقىلى. تالاپ ارىزدى قاراۋسىز قالدىرۋ، تالاپ ارىزدى قابىلداۋدان باس تارتۋ جانە ءىس جۇرگىزۋدى توقتاتۋ – كوزدەلمەگەن؛"، - دەپ اتاپ ءوتتى الماتى وبلىسى مامانداندىرىلعان اۋدانارالىق ەكونوميكالىق سوتىنىڭ سۋدياسى دارحان توقبايەۆ.

اكىمشىلىك سوت ءىسىن جۇرگىزۋدەگى كەلەسى نەگىزگى ەرەجەلەر اكىمشىلىك كودەكستە بەكىتىلگەن:
5.1. اكىمشىلىك ىستەردىڭ ۆەدومستۆولىق باعىنىستىلىعى:
اكىمشىلىك سوت ءىسىن جۇرگىزۋ تارتىبىمەن جاريا-قۇقىقتىق قاتىناستاردان تۋىندايتىن داۋلار شەشىلەتىن بولادى.
5.2. سوتتىڭ بەلسەندى ءرولى
سوت اكىمشىلىك پروسەسكە قاتىسۋشىلاردىڭ تۇسىنىكتەمەلەرىمەن، مالىمدەمەلەرىمەن، وتىنىشحاتتارىمەن، ولار ۇسىنعان دالەلدەرمەن، دالەلدەمەلەرمەن جانە اكىمشىلىك ءىستىڭ وزگە دە ماتەريالدارىمەن شەكتەلمەي، اكىمشىلىك ءىستى دۇرىس شەشۋ ءۇشىن ماڭىزى بار بارلىق ناقتى ءمان-جايلاردى جان-جاقتى، تولىق جانە وبەكتيۆتى زەرتتەيدى.

"سۋديا اكىمشىلىك ءىستىڭ ناقتى جانە (نەمەسە) زاڭدى تاراپتارىنا قاتىستى قۇقىقتىق نەگىزدەر بويىنشا ءوزىنىڭ الدىن الا قۇقىقتىق پىكىرىن ايتۋعا قۇقىلى. سوت ءوز باستاماسى نەمەسە اكىمشىلىك پروسەسكە قاتىسۋشىلاردىڭ ءۋاجدى ءوتىنىشحاتى بويىنشا قوسىمشا ماتەريالدار مەن دالەلدەمەلەر جينايدى، سونداي-اق اكىمشىلىك سوت ءىسىن جۇرگىزۋ مىندەتتەرىن شەشۋگە باعىتتالعان وزگە دە ارەكەتتەردى ورىندايدى."،- دەپ اتاپ ءوتتى سپيكەر.
جالپى، اكىمشىلىك-اۋماقتىق ءبولىنىستى قابىلداۋ قۇقىقتىق مەملەكەت يدەياسىنا سايكەس مەملەكەت پەن قوعام اراسىنداعى قاتىناستاردىڭ جاڭا ساتىسىنا، زاڭنىڭ ۇستەمدىگىن قامتاماسىز ەتۋ جونىندەگى ماڭىزدى قادامعا اينالاتىنىن، سونداي-اق ەلدىڭ ينۆەستيسيالىق كليماتىنا جاعىمدى اسەر ەتەتىنىن اتاپ وتەمىز.