بيىل ماگيستراتۋراعا قۇجات قابىلداۋ ەلەكتروندىق فورماتتا وتەدى. بۇل تۋرالى ءبىلىم جانە عىلىم ءمينيسترى اسحات ايماعامبەتوۆ مينيسترلىكتىڭ اپپارات جينالىسىندا ايتتى.
– بۇل ماسەلەنى بىرنەشە رەت تالقىلادىق. جوعارى وقۋ ورىندارى ماسەلەنى بىلەدى دەپ ويلايمىن. وزدەرىڭىز بىلەسىزدەر، بيىل دوكتورانتۋراعا قابىلداۋدى ەلەكتروندىق فورماتقا كوشىرىپ جاتىرمىز. ماگيستراتۋرا بويىنشا وتكەن جىلى پيلوتتىق فورماتتا ءبىرىنشى رەت ەلەكتروندىق تۇردە وتكىزگەن ەدىك. بيىل ماگيستراتۋراعا قابىلداۋ ەلەكتروندىق فورماتتا جالعاساتىن بولادى.
بۇل – باستىسى، اكادەميالىق ادالدىق قاعيداتتارىن ساقتاۋعا باعىتتالعان. سوندىقتان جەرگىلىكتى باقىلاۋ دەپارتامەنتتەرى وسى جۇمىستى قامتاماسىز ەتسىن. ارينە، ەمتيحاندار وبلىس ورتالىقتارىندا ورنالاسقان تەستىلەۋ پۋنكتەرىندە عانا ءوتۋى كەرەك. وسى پۋنكتەردە عانا تەستىلەۋدى ۇيىمداستىراتىن بولامىز، – دەدى ءبىلىم ءمينيسترى.
18 ماۋسىمنان باستاپ ماگيستۋراتۋرا جانە دوكتورانتۋراعا قۇجاتتار ۇلتتىق تەستىلەۋ ورتالىعىنىڭ اقپاراتتىق جۇيەسى ارقىلى قابىلدانىپ جاتىر.
پىكىر قالدىرۋ