الماتى وبلىسىندا 57 جاستاعى ايەل تۋعان اناسىن ءولتىردى دەگەن كۇدىككە ءىلىندى. بۇل تۋرالى Polisia.kz  سايتى حابارلادى.

الماتى وبلىستىق پوليسيا دەپارتامەنتى باسپا ءسوز قىزمەتىنىڭ حابارلاۋىنشا، وقيعا ىلە اۋدانىندا بولعان. 77 جاستاعى ايەلدىڭ جولداسى حابارلاسىپ، جارىنىڭ مۇردەسى ۋاقىتشا سالىنعان ءۇي جەرتولەسىنەن تابىلعانىن جەتكىزگەن.

جاۋاپ الۋ كەزىندە كۇدىكتى اناسىن ولتىرگەنىن مويىنداپ، ونىڭ دەنەسىن جاسىرعان جەردى كورسەتتى. بەلگىلى بولعانداي، ىشىمدىككە ماسايعان ايەل اناسىمەن جانجالداسىپ، وعان پىشاقپەن تاپ بەرگەن. ول اناسىن ولتىرگەننەن كەيىن ءمايىتتى ءۇيدىڭ جەرتولەسىنە جاسىرعان.

اتالعان ءىس قىلمىستىق كودەكستىڭ 99-بابى 1-بولىگى (ادام ءولتىرۋ) فاكتىسى بويىنشا تىركەلدى. تەرگەۋ كەزەڭىندە كۇدىكتى قاماۋعا الىندى، وعان 8 جىلدان 15 جىلعا دەيىنگى مەرزىمگە باس بوستاندىعىنان ايىرۋ جازاسى كەسىلۋى مۇمكىن.