دەنساۋلىق ساقتاۋ مينيسترلىگى ەلدە ءبىر تاۋلىكتە 2590 ادامنان كوروناۆيرۋس، 76 ادامنان پنيەۆمونيا انىقتالعانىن حابارلادى.

24 ناۋقاس كوروناۆيرۋستان، 3 ناۋقاس پنيەۆمونيادان كوز جۇمعان.

2 شىلدەدەگى مالىمەت بويىنشا، 27 261 ادام كوروناۆيرۋس ينفەكسياسىنان ەمدەلڭپ جاتىر. ولاردىڭ ىشىندە 8 255 پاسيەنت ستاسيوناردا، 19 006 ناۋقاس امبۋلاتوريالىق دەڭگەيدە ەم قابىلداۋدا.

ىندەتكە شالدىققاندار اراسىندا 517 ادامنىڭ جاعدايى اۋىر، 118 پاسيەنتتىڭ جاعدايى وتە اۋىر، 72 ناۋقاس ءوجج اپپاراتىندا جاتىر.

قازاقستاندا سوڭعى اپتالاردا كوروناۆيرۋستىڭ مۋتاسياعا ۇشىراعان ءۇندى شتاممىنىڭ تارالۋىنا بايلانىستى ىندەت جۇقتىرۋ جاعدايلارى ارتقان.

بيلىك ازاماتتاردى ۆاكسينا سالدىرۋعا شاقىرىپ، ۆاكسيناسياعا كوپشىلىكتى ىنتالاندىرۋ ماقساتىندا رەسپۋبليكا بويىنشا ءتۇرلى ۇتىس ويىندارى ۇيىمداستىرىلىپ، جەڭىلدىكتەر قاراستىرىلىپ جاتىر. سونداي-اق باس سانيتار دارىگەر جاڭا قاۋلى شىعارىپ، بارلىق دەرلىك كاسىپكەرلىك نىساندارعا قىزمەتكەرلەرىن ۆاكسينا سالدىرۋعا مىندەتتەدى. ۆاكسينا سالدىرعان قىزمەتكەرلەر ءار اپتا سايىن ءوز قاراجاتىنا پتر تەست تاپسىرىپ تۇرۋعا ءتيىس.

2 شىلدەدەگى مالىمەت بويىنشا قازاقستاندا ۆاكسينانىڭ I كومپونەنتىن 3 502 814 ادام، II كومپونەنتىن 2 085 919 ادام سالدىرعان.