پرەزيدەنت ق.توقايەۆ بىرنەشە كادرلىق ءاۋىس-تۇيىس جاسادى.
المات مۇرات ۇلى بايشولاقوۆ پرەزيدەنت اكىمشىلىگىنىڭ قاۋىپسىزدىك جانە قۇقىقتىق ءتارتىپ ءبولىمىنىڭ مەڭگەرۋشىسى لاۋازىمىنان بوساتىلدى، ول بۇل قىزمەتكە 2019 جىلدىڭ تامىز ايىندا قىزمەتكە ورنالاسقان. ول پروكۋراتۋرا ورگاندارىندا جانە "سامۇرىق-قازىنا" ۇلتتىق ءال-اۋقات قورى" اق قۇرىلىمىندا قىزمەت ەتكەن.
سونداي-اق قازاقستان رەسپۋبليكاسىنىڭ شۆەسيا كورولدىگىندەگى توتەنشە جانە وكىلەتتى ەلشىسى سەرگەي نۇرتاي ۇلى نۇرتايەۆ قازاقستان رەسپۋبليكاسىنىڭ دانيا كورولدىگىندەگى توتەنشە جانە وكىلەتتى ەلشىسى قىزمەتىن قوسا اتقارۋشى لاۋازىمىنا، قازاقستان رەسپۋبليكاسىنىڭ برازيليا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى بولات تۇرار ۇلى ءنۇسىپوۆ قازاقستان رەسپۋبليكاسىنىڭ ارگەنتينا رەسپۋبليكاسىنداعى، چيلي رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى لاۋازىمىنا تاعايىندالدى.
بۇعان دەيىن يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتىڭ ءىنىسى ءمادي اتامقۇلوۆ پرەزيدەنت پروتوكولىنىڭ باستىعى لاۋازىمىنان بوساتىلىپ، قازاقستاننىڭ سەربيا رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالعانى حابارلانعان.
ال پرەزيدەنت پروتوكول قىزمەتىنىڭ باستىعى لاۋازىمىنا دميتريي لەونيدوۆيچ ميحنو تاعايىندالسا، بۇعان دەيىن قازاقستان رەسپۋبليكاسىنىڭ سەربيا رەسپۋبليكاسىنداعى توتەنشە جانە وكىلەتتى ەلشىسى لاۋازىمىن اتقىرىپ كەلگەن عابيت سىزدىقبەكوۆتىڭ قايدا كەتكەنى ازىرگە بەلگىسىز.
پىكىر قالدىرۋ