ەلباسى نۇرسۇلتان نازاربايەۆ قازاقستانداعى وپپوزيسيانى ۇسىنار ەشنارسەسى جوق دەپ سىنادى.

– مەن وپپوزياسيا دەگەندەردىڭ بارلىعىنان باعدارلامالارىڭ قايدا، قازاقستاندى قايدا اپاراسىڭدار دەپ سۇرايمىن. ەگەر ولاردىڭ جوباسى مەن جاساعاننان جاقسى بولسا، كۇرەسەيىك. ءبىراق ناقتى ۇسىنىس جوق. سىزدەر جۋرناليستەر بىلەسىزدەر عوي، كىمنىڭ نە ايتىپ جۇرگەنىن، – دەدى نازاربايەۆ "شتريحي ك پورترەتۋ" دەرەكتى ءفيلمىنىڭ كەزەكتى بولىمىندە.  

ن.نازاربايەۆ قازاقستان باتىستاعىداي دەموكراتيا قۇرۋدىڭ باستاپقى قادامىندا تۇر دەگەن پىكىردە.

– كوپپارتيالى جۇيە جوق دەيدى. پارتياعا دەيىن ءونىپ-وسۋ كەرەك. بەلگىلى ءبىر ەلەكتورات بولۋى كەرەك. پارتيا قولدان جاسالمايدى عوي. ءبىز دەموكراتياعا كەلە جاتىرمىز. باستىسى –  توقتاماۋ كەرەك. ءبىزدىڭ ماقسات – باتىستاعىداي دەموكراتياعا قول جەتكىزۋ. ال ءبىز ءالى باستاپقى جولدامىز. مىنا جاعىمىزدا جۇڭگو، مىنا جاعىمىزدا رەسەي تۇر. ولارىڭ دەموكراتياسى پوروۆوز الدىنا شىعىپ كەتتى مە... ال ول مەملەكەتتەردىڭ بىزگە ىقپالى كۇشتى. قىرعىزداردى ايتاتىن بولساق، وسى 30 جىلدا نە بولدى؟ مەن ءار پرەزيدەنتتى قولدادىم. اقشا، كرەديت ۇسىندىق. وسى ۋاقىتتا بىرنەرسە ىستەي الدى ما؟ ەشتەڭە جاسالمادى. سوندىقتان ەكونوميكا ءومىر تىرەگى، ەكونوميكا ادامداردىڭ ءومىرى، قازاقستاندىقتاردىڭ ءال-اۋقاتى. ءبىز وسىنى جاساپ جاتىرمىز. ۋاقىت كەلەدى. ءبارى بولادى. ءبىز اركەز اسىعىستىق تانىتامىز، – دەدى ن.نازاربايەۆ.

نازاربايەۆ وپپوزيسيانى "ناقتى ەشتەڭە ۇسىنبايدى"، "كەلىسسوز ۇستەلىنە وتىرمايدى، ماسەلەنى تالقىلامايدى" دەپ ءجيى سىنايدى. ال وپپوزيسيا نازاربايەۆ 30 جىل بويى قۇرعان جۇيەنى قۇلاتۋدى كوزدەيدى. ماسەلەن، شەتەلدەگى وپپوزيسيونەر مۇحتار ءابليازوۆ پرەزيدەنت قىزمەتىن الىپ تاستاپ، ەلدى پارلامەتتىك رەسپۋبليكاعا اينالدىرعىسى كەلەدى. ال جاقىندا قازاقستاننىڭ جاڭا كونستيتۋسياسىنىڭ جوباسىن ۇسىنعان دەموكراتيالىق پارتيا باستاماشىل توبى قازاقستاندا پرەزيدەنتتىڭ سايلانۋ مەرزىمىن بىردەن اسىرماۋ تۋرالى ۇسىنىس ايتتى.