الەۋمەتتىك جەلىدە بەتون پليتالارى ورنىنان جىلجىپ، كوتەرىلگەن ۆيدەو تاراپ جاتىر. وقيعا الماتى-قورعاس بەتون تاس جولىنىڭ ۋچاسكەسىندە بولعانى حابارلاندى. ۆيدەو kris_p_kz پاراقشاسىندا جاريالادى.
– قازاۆتوجول نازارىنا! شەلەك جاقتان كەلە جاتقاندا مولوۆودنوەگە جەتپەي بەتوندار قايتا كوتەرىلىپ جاتىر. اباي بولىڭدار جىگىتتەر. ءبىراز كولىكتەرگە زاقىم كەلگەن، – دەدى كادر سىرتىنداعى ادام.
قازاۆتوجول مالىمەتىنشە 2021 جىلعى 2 شىلدەدە الماتى-قورعاس بايدىبەك بي كەنتى ماڭىندا اقىلى ۋچاسكەنىڭ 86-شاقىرىمىندا اۋا تەمپەراتۋراسىنىڭ كۇرت كوتەرىلۋىنەن بەتون پليتالار ىعىسىپ، ءجۇرىس بولىگىنىڭ جابىنى كوتەرىلىپ كەتكەن.
– "قازاۆتوجول" قىزمەتكەرلەرى اكىمشىلىك پوليسيامەن بىرلەسىپ جەدەل تۇردە ەسكەرتۋ جول بەلگىلەرىن ورناتتى، سونداي-اق جوندەۋ جۇمىستارىن جۇرگىزۋ كەزىندە پوليسيانىڭ پاترۋلدىك كولىگى قويىلدى. "قازاۆتوجول" ۋاقىتشا قولايسىزدىقتار تۋىنداعانى ءۇشىن كەشىرىم سۇرايدى جانە جول پايدالانۋشىلارىنا ۋاقتىلى حاباردار ەتكەنى ءۇشىن العىس بىلدىرەدى، – دەدى كومپانيا وكىلدەرى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ