ۆاكسيناسيالانباعان قىزمەتكەرلەردى جۇمىسقا كىرگىزگەن باسشىلارعا سالىناتىن ايىپپۇل مولشەرى انىقتالدى. بۇل تۋرالى سانيتارلىق-ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتانايەۆ حابارلادى.

مەملەكەتتىك سانيتار دارىگەردىڭ سوڭعى قاۋلىسى بويىنشا 20 ادامنان اساتىن ۇجىمداردىڭ بارلىعى 15 شىلدەگە دەيىن ۆاكسينا سالدىرۋعا مىندەتتى.

– مەملەكەتتىك سانيتار دارىگەردىڭ تالاپتارىن ورىنداماعان باسشىلارعا اكىمشىلىك قۇقىق بۇزۋشىلىق تۋرالى كودەكسىنىڭ 462-بابى (مەملەكەتتىك ينسپەكسيالار مەن مەملەكەتتىك باقىلاۋ جانە قاداعالاۋ ورگاندارىنىڭ لاۋازىمدى ادامدارىنا وزدەرىنىڭ قىزمەتتىك مىندەتتەرىن ورىنداۋىنا كەدەرگى كەلتىرۋ، قاۋلىلاردى، نۇسقامالاردى جانە وزگە دە تالاپتاردى ورىنداماۋ) جانە 425-بابى (حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناما تالاپتارىن، سونداي-اق گيگيەنالىق نورماتيۆتەردi بۇزۋ) بويىنشا ايىپپۇل سالىنادى، – دەدى ەرجان بايتانايەۆ. 

ايىپپۇل كولەمى جەكە تۇلعالار ءۇشىن 5 اەك (14 585 تەڭگە)،  زاڭدى تۇلعالارعا 15 اەك (43 755 تەڭگە).

شاعىن كاسiپكەرلiك سۋبەكتiلەرگە نەمەسە كوممەرسيالىق ەمەس ۇيىمدارعا – 100 اەك (291 700 تەڭگە)، ورتا كاسىپكەرلىك سۋبەكتىلەرىنە – 200 اەك (583 400 تەڭگە)، ءىرى كاسىپكەرلىك سۋبەكتىلەرىنە – 500 اەك (1 458 500 تەنگە).

بۇدان بولەك، كاسىپكەرلىك نىسان قىزمەتىن توقتاتۋ تۇرىندەگى شارا دا قاراستىرىلعان.

15 شىلدەدەن كەيىن مونيتورينگتىك توپتار ءىشىنارا تەكسەرۋلەر جۇرگىزەدى. بۇزۋشىلىق انىقتالعان جاعدايدا ايىپپۇل سانكسيالارى قولدانىلا باستايدى.

ۆاكسيناسيالانباعان قىزمەتكەرلەر (سوڭعى ءۇش اي ىشىندە تۇراقتى مەديسينالىق قارسى كورسەتىلىمدەرى بار جانە Covid-19 اۋىرىپ جازىلعان ادامداردى قوسپاعاندا) مىندەتتى پتر-تەستىلەۋدەن جەتى كۇندە ءبىر رەت ءوتۋى قاجەت.