ەپيدەميولوگيالىق جاعدايدىڭ ناشارلاۋىنا جانە COVID-19-دىڭ تارالۋى وسۋىنە بايلانىستى نۇر-سۇلتاندا تاعى ءبىر قالالىق اۋرۋحانا ينفەكسيالىق ستاسيونارعا اينالدى. بۇل تۋرالى قالا اكىمدىگىنىڭ رەسمي سايتى حابارلادى.

رەسمي سايت تاراتقان اقپاراتقا سايكەس، №1 كوپبەيىندى قالالىق اۋرۋحانا 9 شىلدەدەن باستاپ كوروناۆيرۋس ينفەكسياسى بار پاسيەنتتەردى قابىلدايدى. وندا 600 توسەك-ورىن ورنالاستىرىلعان. ءابۇل شارا توسەك-ورىندارىنىڭ جەتكىلىكسىز بولۋى سەبەپتى ءقابىلداندىا دەپ ءتۇسىندىردى قالالىق قوعامدىق دەنساۋلىق ساقتاۋ باسقارماسى.

– وكىنىشكە قوراي، ءبىز تاعى ءبىر قالالىق اۋرۋحانادا جوسپارلى گوسپيتاليزاسيانى توقتاتۋعا، ونى كوۆيدتىك ستاسيونارعا اينالدىرۋعا ءماجبۇر بولىپ وتىرمىز. سەبەبى ينفەكسيا جۇقتىرعاندار سانى ازايماي تۇر. بارلىق پاسيەنت اۋىستىرىلدى. الداعى ۋاقىتتا ولاردى قالانىڭ رەسپۋبليكالىق جانە ۆەدومستۆولىق كلينيكالارىنا جىبەرەمىز، – دەدى قالالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ.

قالا تۇرعىندارىن اۋرۋحاناعا جاتقىزۋ ستاسيونارلاردىڭ كەزەكشىلىگىنە سايكەس جۇرگىزىلەدى. سونداي-اق، گينەكولوگيادان بولەك، تاۋلىك بويى جانە كۇندىزگى ستاسيونارعا جوسپارلى جاتقىزۋ №2 كوپبەيىندى قالالىق اۋرۋحانا دا ۋاقىتشا توقتالادى.

وتكەن جازدا №1 كوپبەيىندى قالالىق اۋرۋحانا كۆي ناۋقاستارىن ەمدەيتىن ستاسيونارعا اۋىستىرىلعان بولاتىن. ال تامىز ايىنىڭ سوڭىندا كوروناۆيرۋس ينفەكسياسى بار سوڭعى ناۋقاس شىعارىلعان سوڭ بۇرىنعى پروفيلدىك جۇمىسىنا قايتا كىرىسكەن.

– ەپيدەميولوگيالىق جاعداي ناشارلاپ بارادى. سوڭعى اپتادا ءبىز ءۇش اۋرۋحانانى ينفەكسيالىق ستاسيونارعا اۋىستىردىق. قالاداعى ەپيدەميولوگيالىق جاعداي تۋرالى تۇرعىنداردىڭ ينفەكسيا جويىلدى، كارانتيندى ۇمىتۋعا بولادى دەگەن پىكىرى بىزگە اۋىر تيەدى. ەلوردا ناۋرىز ايىنان بەرى "قىزىل" ايماقتان شىقپاعانىن تاعى دا ەسكە سالىپ وتەيىن. بۇل كورسەتكىش تۇرعىندارىمىزدىڭ سانيتارلىق تالاپتاردى ساقتاۋداعى جاۋاپكەرشىلىگىنە تىكەلەي بايلانىستى، – دەپ اتاپ ءوتتى ۆەدومستۆو باسشىسى.

تيمۋر مۇراتوۆ تاۋلىگىنە اۋرۋحاناعا جاتقىزىلعانداردىڭ سانى 300 ادامعا جەتكەنىن ايتتى. سوزىنشە، پاسيەنتتەر اۋىر جانە وتە اۋىر كۇيدە ءتۇسىپ جاتىر.

ەسكە سالا كەتەيىك، وتكەن دەمالىس كۇندەرى ينفەكسيامەن اۋىرعانداردىڭ كوبەيۋىنە بايلانىستى قالالىق پسيحيكالىق دەنساۋلىق ورتالىعى جانە قورعانىس مينيسترلىگىنىڭ باس اسكەري كلينيكالىق گوسپيتالى ينفەكسيالىق ستاسيونارعا اۋىستىرىلعان. ال جالپى توسەك-ورىن سانى – 300.

نۇر-سۇلتان قالاسى بويىنشا 9 شىلدە كۇنى ينفەكسيالىق ستاسيونارلاردا بارلىعى 2 007 ناۋقاس جاتىر، بۇل توسەك جۇكتەمەسىنىڭ 81%-ىن قۇرايدى.