ءۇندىستاندا كوروناۆيرۋستىڭ مۋتاسياعا ۇشىراعان جاڭا تۇرىمەن اۋىرعان ناۋقاستاردىڭ سانى ازايىپ جاتىر. بۇل تۋرالى ءۇندىستان دەنساۋلىق مينيستىرلىگى حابارلادى.
ءۇندىستان دەنساۋلىق ساقتاۋ مينيسترلىگى جاساعان مالىمدەمەگە سايكەس، سوڭعى تاۋلىكتە 43 مىڭ 393 جاڭا جۇقتىرۋ جاعدايى انىقتالىپ، 911 ادام قايتىس بولعان. 44 مىڭ 459 ناۋقاس اۋرۋدان ساۋىققان. 458 مىڭ 727 ناۋقاس ەمدەلىپ جاتىر.
ءۇندىستان دەنساۋلىق ساقتاۋ مينيسترلىگى ۆاكسيناسيا باستالعان 16 قاڭتاردان بەرى ەلدە 368 ميلليون 991 مىڭ 222 ادام ۆاكسينا سالعىزعان. ءبىراق 1،4 ميلليارد تۇرعىنى بار ەلدە ۆاكسيناسيا ىندەتتى توقتاتا الاتىن دەڭگەيگە ءالى جەتكەن جوق.
كوروناۆيرۋس تۋرالى اقپارات تاراتاتىن "Worldometers" سايتىنىڭ دەرەگىنە سايكەس، ءۇندىستان الەمدە ەڭ كوپ ۆيرۋس تارالعان 2ء-شى جانە كوروناۆيرۋستان ءولىم كوپ بولاتىن 3ء-شى ەل سانالادى.
پىكىر قالدىرۋ