پرەزيدەنت قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا ينفلياسيانىڭ ءوسۋى ەلدىڭ ەكونوميكالىق دامۋىنا جانە الەۋمەتتىك ءال-اۋقاتىنا ءقاۋىپ ءتوندىرىپ وتىرعانىن ايتتى.
– باسىم باعىتتار تىزىمىندە ينفلياسيا ماسەلەسى تۇرۋعا ءتيىس. سونىڭ ىشىندە ازىق-تۇلىك ينفلياسياسى دا بار. قازاقستانداعى ينفلياسيانىڭ وسكەنىن ءبارىمىز بىلەمىز. ءبىراق ونداي جاعداي كورشى ەلدەردە عانا ەمەس، الەمدىك ەكونوميكادا بايقالىپ وتىر. دەگەنمەن قازاقستانداعى ينفلياسيانىڭ ءوسۋى ەلىمىزدىڭ ەكونوميكالىق دامۋىنا جانە الەۋمەتتىك ءال-اۋقاتىنا ءقاۋىپ ءتوندىرىپ وتىر. بۇل – ۇلكەن قاۋىپ-قاتەر، – دەدى پرەزيدەنت.
توقايەۆ ۇلتتىق بانك ۇلتتىق قوردىڭ جاعدايىن ۇنەمى باقىلاۋدا ۇستاۋى كەرەكتىگىن اتاپ ءوتتى.
– ءبىز پاندەميا كەزىندە ۇلتتىق قوردىڭ قارجىسىن پايدالاندىق. بيۋدجەت ۇستاپ وتىردىق. ءبىراق ستراتەگيالىق جوسپاردىڭ باستى ماقساتى – ۇلتتىق قوردىڭ رەزەرۆىن ارتتىرۋ. ەنەرگيا رەسۋرستارىنىڭ باعاسى دا ءوسىپ كەلەدى، –دەدى پرەزيدەنت.
پىكىر قالدىرۋ