دەنساۋلىق ساقتاۋ مينيسترلىگى 11 شىلدەدە 3899 ادامنان كوروناۆيرۋس، 40 ادامنان پنيەۆمونيا انىقتالعانىن حابارلادى. بۇل – پاندەميا باستالعالى ەلدە تىركەلمەگەن جوعارى كورسەتكىش.

ۆيرۋستىڭ تارالۋى نۇر-سۇلتان (950)، الماتى (638)، شىمكەنت قالالارىندا (264) قاراعاندى (603)، اتىراۋ، (290)، باتىس قازاقستان وبلىستارىندا (215) جوعارى بولىپ تۇر. تاۋلىك ىشىندە پاۆلودار وبلىسىندا – 142، اقمولا وبلىسىندا – 139، ماڭعىستاۋ وبلىسىندا – 126،  قوستاناي وبلىسىندا – 92، الماتى وبلىسىندا – 85، تۇركىستان وبلىسىندا – 71، شىعىس قازاقستان وبلىسىندا – 68، جامبىل وبلىسىندا – 66، قىزىلوردا وبلىسىندا – 64، اقتوبە وبلىسىندا – 55، سولتۇستىك قازاقستان وبلىسىندا – 31 ادامنان ۆيرۋس انىقتالعان.

10 شىلدەدەگى دەرەك بويىنشا 34 ادام كوروناۆيرۋستان، 3 ادام پنيەۆمونيادان كوز جۇمعان.

ەلدە 2020 جىلعى 13 ناۋرىز بەن 2021 جىلعى 12 شىلدە ارالىعىندا رەسمي تۇردە 458 724 ادامنان كوروناۆيرۋس تابىلعان. 4681 ادام قايتىس بولعان. وسى ارالىقتا 57 900 ناۋقاستا پنيەۆمونيا راستالىپ، 3492 ادام قايتىس بولعان.

12 شىلدەدەگى مالىمەت بويىنشا، 41 980 ادام كوروناۆيرۋس ينفەكسياسىنان ەمدەلىپ جاتىر. ولاردىڭ ىشىندە 13 568 پاسيەنت ستاسيوناردا، 28 412 ناۋقاس امبۋلاتوريالىق دەڭگەيدە ەم قابىلداۋدا. ىندەتكە شالدىققاندار اراسىندا 815 ادامنىڭ جاعدايى اۋىر، 189 پاسيەنتتىڭ جاعدايى وتە اۋىر، 126 ناۋقاس ءوجج اپپاراتىندا جاتىر.

2021 جىلعى 12 شىلدەدەگى مالىمەت بويىنشا قازاقستاندا ۆاكسينانىڭ I كومپونەنتىن 4 372 235 ادام، II كومپونەنتىن 2 442 715 ادام سالدىرعان.