اپتاپ ىستىقتان اقش-تىڭ باتىس ايماعىنداعى ورماندار ورتەنىپ جاتىر. بۇل تۋرالى بي-بي-سي اقپاراتتىق اگەنتتىگى حابارلادى.
رەكوردتىق ىستىقتان تۋىنداعان ءورت سالدارىنان كەيبىر ەلدىمەكەندەردەگى حالىقتى ەۆاكۋاسيالاۋعا تۋرا كەلگەن. اريزونادا ءورت ءسوندىرۋ ۇشاعى قۇلاپ ەكى ءورت ءسوندىرۋشى قايتىس بولعان.
اۋانىڭ قۇرعاقتىعى سونشالىق، ءورت ءسوندىرۋ كەزىندە جالىندى باسۋ ءۇشىن ۇشاقتان شاشىلعان سۋدىڭ كوپ بولىگى جەرگە جەتپەي بۋلانىپ كەتكەن.
كەشە لاس-ۆەگاستا 47،2 گرادۋس ىستىق بولىپ، جاڭا رەكورد تىركەلدى. جۇزدەگەن ادام ىستىق اۋا رايىنا بايلانىستى قايتىس بولعان.
پىكىر قالدىرۋ