الماتىداعى ءۇش مەديسينا مەكەمەسىنىڭ قىزمەتكەرلەرى پتر ناتيجەلەرى مەن ۆاكسيناسيا ءتولقۇجاتتارىن قولدان جاساعانى ءۇشىن سوتتالدى، – دەپ حابارلادى Polisia.kz سايتى.

قالالىق كريمينالدىق پوليسيا باسقارماسىنىڭ حابارلاۋىنشا، ەكى جاعدايدا "دوستار مەد" جانە "سۇڭقار" دەپ اتالاتىن ەكى جەكە مەديسينا ورتالىعىنىڭ قىزمەتكەرلەرى جالعان قۇجاتتار جاساعانى ءۇشىن ۇستالعان.

سانىمەن قاتار№4 پوليكلينيكا قىزمەتكەرلەرىنىڭ ۆاكسيناسيا پاسپورتىن ساتقانى جانە ۆاكسينالاردى زاڭسىز جويىپ جىبەرگەنى انىقتالدى.

"ءبىرىنشى جاعدايدا، كلينيكاداعى زەرتحانا قىزمەتكەرى ورتالىقتىڭ ەكى مەيىربيكەسىنىڭ كومەگىمەن اقشالاي سىياقى ءۇشىن تەرىس ناتيجەمەن بيوماتەريالدى سىناماسىز پتر تەستىن دايىنداعان. ءبىراز ۋاقىتتان كەيىن "سۇڭقار" مەديسينا ورتالىعىنىڭ دارىگەر-ەندوكسيستى ۇستالدى، ول بۇرىن الاياقتىق ءۇشىن جاۋاپقا تارتىلعان بولاتىن. جەكە ءتىنتۋ كەزىندە پتر تەستىلەرىنىڭ ناتيجەلەرى، سونداي-اق اقشا پروسەسسۋالدىق تارتىپتە تاركىلەندى.

سونىمەن قاتار №4 قالالىق ەمحانانىڭ اعا مەيىربيكەسى ۇستالدى، ول 15 مىڭ تەڭگە كولەمىندە اقشالاي سىياقى الۋ ءۇشىن ۆاكسينا العانداردى بەلگىلەۋ جۋرنالىنا جالعان تىركەۋمەن اينالىسقانىن مويىندادى.

اتالعان ءىس قىلمىستىق كودەكستىڭ 385-بابى (جالعان قۇجاتتاردى، ءمورتابانداردى، مورلەردi، بلانكىلەردى، مەملەكەتتiك پوشتا تولەمى بەلگىلەرىن، مەملەكەتتiك ناگرادالاردى قولدان جاساۋ، دايىنداۋ نەمەسە وتكiزۋ) بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. قازىرگى ۋاقىتتا تەرگەۋ جۇمىستارى جالعاسۋدا" دەلىنگەن اقپاراتتىق حابارلامادا.