ەۋروپالىق وداق 2014 جىلدان باستاپ رەسەيگە قارسى قولدانعان ەكونوميكالىق سانكسيالار مەرزىمىن "ۋكراينانى تۇراقسىزداندىرادى" دەگەن سەبەپپەن تاعى 6 ايعا ۇزارتۋعا شەشىم قابىلدادى. بۇل تۋرالى aa.com.tr سايتى مالىمدەدى.

رەسەي 2014 جىلدىڭ 18 ناۋرىزىندا قىرىم اۆتونوميالىق رەسپۋبليكاسى مەن سيەۆاستوپول قالاسىن زاڭسىز اننەكسيالاعان. وسىعان بايلانىستى ەو رەسەيگە ەكونوميكالىق سانكسيا سالا باستادى. وعان سايكەس، ەو-عا مۇشە ەلدەر رەسەيگە قارۋ ساتا المايدى.

سونداي-اق سانكسيالار رەسەيدىڭ ەو ەلدەرىنەن مۇناي-گاز سالاسىندا قولدانىلاتىن كەيبىر تەحنولوگيالارىنا تىيىم سالدى. سونىمەن قاتار رەسەيدىڭ مەملەكەتتىك بانكتەرى ەۋروپاداعى قارجى سەكتورىنان شىعارىلعان.

سانكسيالار ءار 6 اي سايىن ۇزارتىلادى. قازىرگى سانكسيالاردىڭ مەرزىمى 2021 جىلعى 31 شىلدەدە اياقتالادى. ەكونوميكالىق سانكسيالاردان باسقا، ەو-دا رەسەيگە قارسى ديپلوماتيالىق شارالار بار. ونىڭ اياسىندا جەكە تۇلعالارعا ەۋروپا وداعى ەلدەرى اۋماعىندا ساياحاتقا شىعۋى مەن باسقا دا ءىس-شارالار جاساۋىنا تىيىم سالىنعان.