ۇلىبريتانيانىڭ قورعانىس ءمينيسترى بەن ۋوللەس لوندون قاجەت جاعدايدا اۋعانستاندا بيلىككە تاليبان كەلسە، بىرگە جۇمىس ىستەۋگە دايىن ەكەنىن ايتتى، دەپ حابارلادى Aif.ru اقپاراتتىق اگەنتتىگى.
– ۇكىمەتتە قانداي كۇشتەر بولسا دا، ەگەر ولار ناقتى حالىقارالىق نورمالاردى ۇستاناتىن بولسا، ۇلىبريتانيا ۇكىمەتى ارەكەتكە كوشەدى، – دەدى ول.
سونىمەن بىرگە، مينيستر مۇنداي شەشىم ەكى ءتۇرلى كوزقاراس تۋدىرۋى مۇمكىن ەكەنىن، ءبىراق پراگماتيكالىق ءتاسىل تۇراقتى بەيبىتشىلىكتىڭ نەگىزى بولا الاتىنىن اتاپ ءوتتى. ەگەر تاليبان حالىقارالىق دەڭگەيدە مويىندالعىسى كەلسە، وندا ولار راديكالدىق ادىستەردەن باس تارتۋعا ءماجبۇر بولادى.
شىلدە ايىنىڭ باسىنان تاليبان اۋعانستانداعى اۋىلدىق جەرلەردەگى ۇلكەن ايماقتاردى باقىلاۋعا الىپ، ءىرى قالالارعا قارسى شابۋىلدى باستاعان. بۇل جاعداي امەريكالىق اسكەر اۋعانستاننان شىعارىلعاننان كەيىن بولدى.
كابۋل سىرتقى سەرىكتەستەردى، ونىڭ ىشىندە قىتايدى، ءۇندىستاندى جانە رەسەي فەدەراسياسىن تەرروريستەرمەن كۇرەستە كومەك كورسەتۋگە شاقىردى. رەسەي سىرتقى ىستەر مينيسترلىگى رەسەي تاراپى وداقتاستارعا قارسى كەز كەلگەن دۇشپاندىق ارەكەتتەردى توقتاتۋ ءۇشىن كومەكتەسۋگە ۋادە بەرگەن.
پىكىر قالدىرۋ