اتىراۋ وبلىسىندا تۇرعىنداردى ۆاكسيناسياعا ىنتالاندىرۋ ماقساتىندا "ۆاكسينا سالدىرىپ، اقشالاي سىيلىق ۇت" اكسياسى ءوتىپ جاتىر. اكسيا اياسىندا العاشقى سەرتيفيكاتتار تابىستالدى. بۇل تۋرالى Caspian New تەلەارناسى حابارلادى.

وتكەن اپتادا اتىراۋ وبلىسىنىڭ ازاماتتىق اليانسىنىڭ ۇيىمداستىرۋىمەن 10 ادام 200 مىڭ تەڭگەدەن يەلەنگەن. جەڭىمپازدار كەزدەيسوق ساندار گەنەراتورىنىڭ كومەگىمەن انىقتالعان. 

ازاماتتىق اليانس پرەزيدەنتى الىبەك سەمعالييەۆ مۇنداي باستاما ۆاكسيناسيالاۋ قارقىنىن جەدەلدەتۋگە سەپتىگىن تيگىزەتىنىن ايتادى.

ازاماتتىق اليانس اقپاراتىنشا، اكسيا اياسىندا قىركۇيەك ايىنا دەيىن ءار 10 كۇن سايىن 200 مىڭ تەڭگەلىك 10 سەرتيفيكات ويناتىلماق.  ۇتىستىڭ ەكىنشى كەزەڭىنە 30 ماۋسىم مەن 30 شىلدە ارالىعىندا ەكپە سالدىرعاندار اۆتوماتتى تۇردە  قاتىسادى.

سونداي-اق 3 ميلليون تەڭگەدەن 4 سەرتيفيكات ويناتىلادى. سوڭعى ۇتىسقا 1 اقپاننان باستاپ وبلىستاعى ەكپە پۋنكتەرىنەن ۆاكسينا سالدىرعاندار قاتىستىرىلادى. جالپى ۇتىس قۇنى 40 ميلليون تەڭگەنى قۇرايدى.