قىتايدىڭ سزيانسۋ پروۆينسياسى سۋچجوۋ قالاسىنداعى Siji Kaiyuan ءقوناقۇيى وپىرىلىپ ءتۇسۋى سالدارىنان 17 ادام قازا تاپتى، دەپ جازادى bbc.
جەرگىلىكتى Global Time باسىلىمى العاشقى زەرتتەۋ ناتيجەلەرى اپاتقا عيمارات قۇرىلىمىنىڭ وزگەرۋى سەبەپ بولعانىن كورسەتكەنىن حابارلادى. سوڭعى جىلدارى عيماراتتا جوندەۋ جۇمىستارى ءجيى بولعان.
– بۇرىن عيمارات 3 قاباتتان تۇراتىن. ءبىراق كەيىنىرەك قوسىمشا قاباتتار قوسىلدى، – دەگەن تۇرعىنداردىڭ ءبىرى Red Star News اگەنتتىگىنە.
سزيانسۋ پروۆينسياسىنىڭ بيلىگى اپات سەبەبى انىقتالىپ جاتقانىن، جاۋاپتى ادامدار قىلمىستىق جاۋاپكەرشىلىككە تارتىلاتىنىن ءمالىم ەتتى.
ءقوناقۇي دۇيسەنبى كۇنى جەرگىلىكتى ۋاقىت بويىنشا 15:33-تە وپىرىلعان. باستاپقىدا 54 نومەردەن تۇراتىن قوناقۇيدە 18 ادام بولعانى حابارلانعان، الايدا ارتىنشا ىشتە تىركەلمەگەن 5 قوناق بولعانى انىقتالدى. اپاتتان 6 ادام امان قالدى.
پىكىر قالدىرۋ