پاكىستاندا اۆتوبۋس جارىلىپ، 10 ادام قازا تاۋىپ، 28 ادام جاراقات الدى. بۇل تۋرالى India Times سايتى حابارلادى.
جارىلىس پاكىستاننىڭ سولتۇستىك-باتىسىنداعى حايبەر-پاحتۋنۆا پروۆينسياسىندا بولعان. قىتايلىق جانە پاكىستاندىق قۇرىلىسشىلار مەن ينجەنەرلەر مىنگەن اۆتوبۋستاعى جارىلىستان 10 ادام، ونىڭ ىشىندە 9 جۇڭگو ازاماتى قازا تاۋىپ، 28ء-ى جاراقات العان. جارىلىستان كەيىن ءبىر جۇڭگو ينجەنەرى مەن ءبىر سارباز جوعالىپ كەتكەن.
وقيعانىڭ جاي-جاپسارى انىقتالىپ جاتىر. الدىن-الا بولجام بويىنشا بۇل ىسكە يسلامشىل سودىرلاردىڭ قاتىسى بار. ولار بۇعان دەيىن قىتايدىڭ پاكىستانداعى مۇددەلەرىن نىساناعا العانى حابارلانعان. بەيجىڭ ۇكىمەتى جارىلىستى ۇيىمداستىرعانداردى قاتاڭ جازالاۋدى تالاپ ەتۋدە.
پىكىر قالدىرۋ